موجودہ دور میں کرپشن میں بے تحاشا اضافہ ہوا،حکومت نے لٹیروں کو پکڑنے کی بجائے عوام پر ٹیکسز کا بوجھ ڈالا‘ سراج الحق
ہم نہیں بین الاقوامی ادارے رپورٹ کر رہے ہیں موجودہ سیٹ اپ ناکام ہو گیا، ملک پرعملاً آئی ایم ایف کا قبضہ ہے‘ امیر جماعت اسلامی
اتوار 23 جنوری 2022 00:20
(جاری ہے)
لوگ بجلی، آٹا، چینی کی قیمتوں میں اضافے کی شکایت کرتے تو وزیراعظم کی جانب سے ہدایت آتی ہے گھبرانہ نہیں، کبھی وعظ کیا جاتا ہے کہ سکون قبر میں ملے گا۔
موجودہ حکومت کے دور میں ادویات کی قیمتوں میں پانچ سو فیصدتک اضافہ ہوا۔ غریب کو ہسپتال سے ڈسپرین کی گولی نہیں ملتی۔ پہلے گندم سمگل ہوئی پھر شارٹیج آئی اور بعد میں درآمد کی گئی۔ آٹا، چینی، ادویات، پیٹرول سمیت تمام سکینڈلز میں حکومتی افراد کے نام آئے، آج تک کارروائی نہیں ہوئی۔ نوجوان نسل تباہی اور ڈپریشن کا شکار ہو رہی ہے۔ 70لاکھ نوجوان نشے کے عادی، حکومتی وزرا خود تسلیم کر رہے ہیں کہ اسلام آباد کے تعلیمی اداروں میں 55فیصد طالب علم نشہ کرتے ہیں۔ عدالتوں میں انصاف نہیں ملتا،تربیلا ڈیم کے متاثرین کے حق میں فیصلہ ساٹھ سال بعد آیا، شاید اب متاثرین کی ہڈیا ں بھی قبروں میں نہ ملیں۔ یہ کہاں کا نظام ہے جہاں دو سو روپیہ نہ دینے پر بجلی کا میٹر کاٹ لیا جاتا ہے اورکروڑوں کے ڈیفالٹرز کو کوئی نہیں پوچھتا۔ جماعت اسلامی کی جنگ ظالمانہ نظام کے خلاف ہے۔ہم چاہتے ہیں کہ ہمارے نوجوان قرآن کی جیتی جاگتی تفسیر بنیں۔ جماعت اسلامی چاہتی ہے کہ اسلامیان پاکستان کا ایجنڈا ملکی بھی ہو اور آفاقی بھی۔ ہماری تربیت گاہوں کا مقصد انسانوں کی دنیاوی و اخروی فلاح ہے۔ ان خیالات کا اظہار انہوں نے منصورہ میں مرکزی تربیت گاہ کے شرکا سے خطاب کرتے ہوئے کیا۔ تربیت گاہ میں مالاکنڈ ڈویژن سے تعلق رکھنے والے افرادکی بڑی تعداد شریک تھی۔ سراج الحق نے کہا کہ وزیراعظم مدینہ کی ریاست کی بات کرتے ہیں، مگر جب انہیںسپریم کورٹ بلاتا ہے تو وہ گھر سے ویڈیو لنک کے ذریعے اعلیٰ عدالت سے خطا ب کرتے ہیں۔ انہیںکون بتائے کہ مدینہ کی ریاست میں خلیفہ وقت قاضی کے سامنے ہاتھ باندھ کر کھڑا ہوتا ہے، مدینہ کی ریاست میں محمود و ایاز میں ایک صف میں کھڑے ہوتے ہیں، مدینہ کی ریاست میں لوگوں کو انصاف گھر کی دہلیز پر ملتا ہے۔ ہمارے ہاں فلاحی اسلامی ریاست کے نام پر سود کے کاروبار کو بڑھاوا دیا جا رہا ہے اور خاندانی نظام پر حملے ہو رہے ہیں۔ چھوٹی سی غلطی پر غریب کو دھر لیا جاتا ہے اور وڈیرے اور جاگیردار سرعام قانون پائوں تلے روندتے ہیں۔ انہوں نے کہا کہ سامراجیت نے پاکستان پر قبضہ ہوا ہے۔ 73برسوں سے ہم سامراج کے غلام ہیں۔ تینوں بڑی جماعتوں نے سامراج کی تابعداری کی اور ملک کو تباہ وبرباد کیا۔ انھوں نے لوگوں کو مخاطب کر کے کہا کہ وہ ظلم کے نظام کے خلاف ڈٹ جائیں۔ حضور پاکؐ نے واضح کر دیا ہے کہ ظالم کا ساتھ دینا ظلم میں شریک ہونے کے مترادف ہے۔ انہوں نے کہا کہ وہ لوگ ظالم ہیں جنہیںاللہ تعالیٰ نے ایک بار نہیں بار بار اقتدار دیا، مگر انہوں نے اللہ کے نظام کی بجائے اپنی مرضی مسلط کی۔امیر جماعت نے کہا کہ ملک کا تعلیمی نظام سیکولرازم اور کیپٹلزم کو بڑھاوا دے رہا ہے۔ ایک طرف ایلیٹ سکولز ہیں اور دوسری جانب دیہاتوں میں بچوں کو ٹاٹ تک دستیاب نہیں۔ یہ کیسے ہو سکتا ہے کہ موجودہ تعلیمی نظام کے تحت غریب کا بچہ، ایلیٹ اداروں کے بچوں کا مقابلہ کر سکے۔ ہم نے بار بار مطالبہ کیا کہ قومی نظام تعلیم کو یکساں کیاجائے۔ مدارس، سکولز اور کالجزمیں ایک ہی طرح کا نصاب تعلیم ہو۔ نصاب کے ساتھ ساتھ نظام تعلیم کو بھی یکساں کیا جائے۔ مقابلے کے امتحانات اور سرکاری دفاتر میں اردو زبان کو نافذ کیا جائے، مگر حکمرانوں کے کانوں پر جوں تک نہیں رینگتی۔ انہوںنے کہا کہ جماعت اسلامی کو اللہ تعالیٰ نے اقتدار دیا تو ہم یکساں نظام تعلیم رائج کریں گے۔ معاشرے کے غریب طبقات کی فلاح و بہبود کی ذمہ داری ریاست ہوگی۔ انھوں نے جماعت اسلامی سے وابستہ افراد سے اپیل کی کہ وہ قرآن کا پیغام گھر گھر، گلی گلی پہنچائیں۔ قرآن سے رشتہ جوڑیں اور پرامن اسلامی انقلاب کے داعی بنیں۔لاہور میں شائع ہونے والی مزید خبریں
…تفصیلی خبر…
……تصیح شدہ……
ڑ* راجہ وقار ممتاز صاحب کی ناگہانی وفات پر دِلی افسوس ہوا،میاں نواز شریف
عمران خان فائرنگ کیس : نوید بشیر کی درخواست ضمانت پر پراسکیوشن سے یکم اپریل کوجواب طلب
۱بیلٹ پیپرز پر نعرہ لکھنے والے ممبر پارلیمنٹ کو بے نقاب کرنیکی درخواست کے قابل سماعت ہونے پر فیصلہ محفوظ ..
ظ*بھگت سنگھ کی برسی ، سکیورٹی کیلئے درخواست سی سی پی او لاہور کو بھجوادی گئی
ٍبچے کی بیرون ملک سے بازیابی کیس ، وفاقی سیکرٹری داخلہ ذاتی حیثیت میں 8 اپریل کو طلب
]صوبائی وزیر صحت کی منصور ریاض ٹرسٹ ہسپتال آمد
د*پنجاب پولیس انسداد جرائم کے ساتھ ساتھ سپورٹس سرگرمیوں میں بھی پیش پیش
ٴْسنگین مقدمات میں مطلوب ایک اور خطرناک اشتہاری سعودی عرب سے گرفتار ہوکر وطن واپس پہنچ گیا
سنگین مقدمات میں مطلوب خطرناک اشتہاری سعودی عرب سے گرفتار
بغیر لائسنس، بغیر ہیلمٹ موٹرسائیکل سواروں کیخلاف کریک ڈاؤن مزید سخت کیا جائے، سی ٹی او
لاہور سے متعلقہ
پاکستان کی تازہ ترین خبریں
-
نسیم شاہ نے ملتان سلطانز سے فتح چھین لی
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
کور کمیٹی کی شیر افضل مروت اور بیرسٹر علی ظفر کو کور کمیٹی ممبران نے متنازع بیان دینے سے باز رہنے کی ہدایت،اندرونی کہانی
-
وزیراعلی پنجاب اور محمد نوازشریف کی زیر صدارت اجلاس، 3شہرو ں میں میٹروبس،لاہور میں انڈر گراؤنڈ ٹرین پراجیکٹ کا پلان طلب
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور