پاکستان کو ایٹمی طاقت کا اعزازحاصل کئے 24برس مکمل

تاریخ ساز دن کیلئے ’’ یوم تکبیر‘‘ کانام سید غضنفر عباس نے تجویز کیا

جمعہ 27 مئی 2022 22:55

لاہور (اُردو پوائنٹ اخبارتازہ ترین - آن لائن۔ 27 مئی2022ء) 28 مئی 1998کو پاکستان نے چاغی کے مقام پر ایٹمی دھماکے کرکے اپنے دفاع کو ناقابل تسخیر بنایااور اس تاریخ سازدن کو ہر برس پاکستانی قوم ’’ یوم تکبیر‘‘ کے طور پر مناتی ہے ۔

(جاری ہے)

یہ امر قابل ذکر ہے کہ اس تاریخی دن کیلئے ’’ یوم تکبیر‘‘ کا نام سابق آئی جی پولیس اور ممبرپنجاب پبلک سروس کمیشن سید ابن حسین کے والد سید غضنفر عباس نے تجویز کیا تھا جس کے اعتراف میں اس وقت کے وزیر اعظم پاکستان میاں نواز شریف نے سید غضنفر عباس کو سند اعزاز سے نوازا ۔

ملتان سے تعلق رکھنے والے سید غضنفر عباس سول انجینئر تھے اورانہوں نے حکومت پاکستان کی جانب سے ہونے والے مقابلے میں اٹھائیس مئی کیلئے ’’ یوم تکبیر‘‘ کا نام تجویز کرکے بھیجا جسے متفقہ رائے سے منظور کیا گیا اور حکومت پاکستان نے 19مئی 1999کو انہیں سند اعزاز عطا کی ۔ سید غضنفر عباس کے فرزند سید ابن حسین آئی جی پولیس کے عہدے سے ریٹاٹر ہوئے اور بعد میں بطور ممبر پنجاب پبلک سروس کمیشن خدمات سر انجام دیں