’نئی آڈیو ٹیپ بھی ٹیمپرڈ ہے سب کو پتہ ہے کہاں سے آتی ہے‘

جب بھی حکومت دباؤمیں آتی ہے اس قسم کی آڈیوٹیپس آرہی ہوتی ہیں پچھلی مرتبہ پیٹرول کی قیمتیں بڑھیں توبزنس ٹائیگون کی آڈیوٹیپ آگئی، فواد چوہدری کی گفتگو

دانش احمد انصاری منگل 5 جولائی 2022 10:11

’نئی آڈیو ٹیپ بھی ٹیمپرڈ ہے سب کو پتہ ہے کہاں سے آتی ہے‘

لاہور(اُردو پوائنٹ اخبار تازہ ترین، 5 جولائی 2022) تحریک انصاف کے رہنما و سابق وفاقی وزیر فوادچوہدری نے کہا ہے کہ جب بھی حکومت دباؤمیں آتی ہے اس قسم کی آڈیوٹیپس آرہی ہوتی ہیں پچھلی مرتبہ پیٹرول کی قیمتیں بڑھیں توبزنس ٹائیگون کی آڈیوٹیپ آگئی سب کو معلوم ہےتمام ٹیپس ایک ہی جگہ سےٹیمپرڈکرکےنکالی جاتی ہیں حالیہ آڈیو ٹیپ بھی ٹیمپرڈ ہے اورسب کومعلوم ہے کہاں سےآتی ہیں۔

نجی ٹی وی کے پروگرام میں بات کرتے ہوئے فوادچوہدری نے کہا کہ ن لیگ نےزیادہ تر لوٹوں کو ٹکٹ دیے ہیں ن لیگ کےاپنےلوگ ہی الیکشن میں خود کھڑے ہوگئےہیں لوٹوں کونہ ن لیگ والےووٹ دینگےنہ پی ٹی آئی والے ہیں۔انہوں نے کہا کہ پنجاب میں ن لیگ کاضمنی الیکشن بہت برا ہےسچ بات تویہ ہےدھاندلی سے اتنے بڑے الیکشن نہیں جیتے جا سکتے پنجاب ضمنی الیکشن میں ہمارا آزادامیدواروں سےکانٹےکامقابلہ ہے جتنی مرضی یہ دھاندلی کرلیں، پی ٹی آئی سب سےزیادہ نشستیں جیتےگی پنجاب میں دوسرے نمبر پر آزادامیدوار سیٹیں جیتیں گے پھر ن لیگ ہوگی۔

(جاری ہے)

ان کا کہنا تھا کہ کیا اسحاق ڈار کو پاکستان آنےکی اجازت مل گئی ہے اسحاق ڈار کو کلیئرنس ملے گی اس کےبعدہی پاکستان آئیں گے میراخیال ہےاسحاق ڈارکوابھی کلیئرنس نہیں ملی۔فوادچوہدری نے کہا کہ مریم نواز مجرم ہیں عدالت جارہےہیں کہ کیامجرم انتخابی مہم چلاسکتی ہیں حمزہ شہباز نےکس حیثیت سےریلیف پیکج کااعلان کیاہے حمزہ شہباز وزیراعلیٰ پنجاب نہیں کس حیثیت سےاعلانات کررہےہیں مریم نواز اور حمزہ شہبازکیخلاف سپریم کورٹ جارہےہیں سپریم کورٹ میں توہین عدالت کی درخواست دائرکریں گے۔