تینوں بڑی جماعتیں بے لاگ احتساب کا نظام نہیں چاہتیں‘ سراج الحق
احتساب سے بچنے کے لیے تینوں نے مل کر نیب کو پہلے ہی ختم کر دیا ہے‘ امیر جماعت اسلامی
جمعہ 19 اگست 2022 23:13
(جاری ہے)
13جماعتوں کی اتحادی حکومت کا یہ قدم قرآن و سنت، آئین پاکستان اور عدالتی فیصلہ کے خلاف بغاوت اورناقابل معافی جرم ہے، حکومت فی الفور اپیل واپس لے۔
عوام نے ملک میں اسلامی انقلاب کے لیے بھرپور جدوجہد کا آغاز نہ کیا تو معاشی اور سیاسی دہشت گردی جاری رہے گی۔ قوم کی تقدیر اس کے اپنے ہاتھ میں ہے۔ ان خیالات کا اظہار انہوںنے گوجرانوالہ میں اجتماع ارکان سے خطاب کرتے ہوئے کیا۔ اس موقع پر سیکرٹری جنرل جماعت اسلامی پنجاب وسطی نصراللہ کورائیہ اور ضلعی امیر مظہر رندھاوا بھی موجود تھے۔سراج الحق نے کہا کہ بجلی کے بل دیکھ کر سفید پوش آدمی کے اوسان خطا ء ہو جاتے ہیں۔ حکومت بجلی کی مد میں عوام سے وہی قیمت وصول کرے جو وہ صرف کرتے ہیں۔ بلوں میں درجن بھر ٹیکسز کی شمولیت سرکاری غنڈہ گردی ہے۔ ماہانہ بلوں کی شکل میں 22کروڑ عوام کو تاوان بھیجا جاتا ہے۔ دوہزار کی بجلی جلانے پر چھ ہزار کا بل کہاں کا انصاف ہے۔ جماعت اسلامی بلوں میں ظالمانہ ٹیکسزکی شمولیت کو عدالت میں چیلنج کرے گی اور احتجاجی تحریک بھی بھرپور طریقے سے جاری رکھے گی۔ عوام کا مقدمہ ایوانوں اور سڑکوں پر لڑیں گے۔ اس وقت سبھی سیاسی جماعتیں حکومت میں ہیں صرف جماعت اسلامی ہی حقیقی اپوزیشن کا کردار ادا کر رہی ہے۔ ہمارا جینا اور مرنا اللہ کے دین کی سربلندی اور قوم کے حقوق کے لیے ہے۔ امیر جماعت سراج الحق نے کہا کہ وقت آ گیا ہے کہ عوام کرپٹ اشرافیہ کا احتساب کرے اور انہیںمسترد کرتے ہوئے اہل اور ایمان دار قیادت کو ملک کی خدمت کے لیے منتخب کرے۔ تینوں بڑی جماعتیں بے لاگ احتساب کا نظام نہیں چاہتیں، احتساب سے بچنے کے لیے تینوں نے مل کر نیب کو پہلے ہی ختم کر دیا ہے۔ اگر حقیقی احتساب ہو تو ملکی دولت کو بیرونی بنکوں اور بے نامی کمپنیوں میں رکھنے والے سب پکڑے جائیں گے اور ایسا صرف اسلامی نظام میں ہی ممکن ہے ۔ انھوں نے کہا کہ اگر خلیفہٴ وقت سے اضافی چادر کا سوال کیا جا سکتا ہے، تو موجودہ حکمرانوں سے ان کی دولت اور اثاثوں سے متعلق کیوں نہیں پوچھا جا سکتا۔ انھوں نے کہا کہ افسوس کی بات ہے کہ لوٹ مار پر عدالتوں نے بھی خاموشی اختیار کر رکھی ہے۔ پارلیمنٹ تو پہلے ہی ربڑ سٹمپ بن چکی ہے جہاں صرف عوام کا پیسہ ضائع ہوتا ہے۔ انہوںنے کہا کہ کرپٹ سسٹم کی وجہ سے ہی ملک میں امریکی اور استعماری مداخلت کے دروازے کھلے ہوئے ہیں۔ اللہ تعالیٰ نے جماعت اسلامی کو موقع دیا تو ہم ملک اور عوام کو استعماری طاقتوں، آئی ایم ایف اور ان کے آلہ کاروں سے نجات دلائیں گے۔ جماعت اسلامی آئین وقانون کی بالادستی اور حقیقی اسلامی و جمہوری نظام کے لیے پرامن جدوجہد جاری رکھے گی۔ ہمارا مطمحِ نظر پاکستان کو اسلامی فلاحی ریاست بنانا ہے۔ انہوںنے کہا کہ سات دہائیوں سے ملک پر جاگیرداوں، وڈیروں اور ظالم سرمایہ داروں کا قبضہ ہے۔ عوام اپنے حقوق کے حصول کے لیے جماعت اسلامی کا ساتھ دے۔متعلقہ عنوان :
لاہور میں شائع ہونے والی مزید خبریں
ہم نئی جماعت نہیں لا رہے،بس ملک کو ایک نئی سوچ کی ضرورت ہے
اگر انتخابی نظام اور نئے الیکشن کی بات ہوتی ہے توسب بات کریں گے
Bٹرین پٹڑی سے اتر گئی، 2مسافر زخمی
ف*کامیاب درخواست گزار کے حج پر نہ جانے پر اخراجات سے 2 لاکھ روپے کٹوتی کا فیصلہ
غ*لیسکو کا تمام سرکلز میں اربوں روپے کی اووربلنگ کے خلاف تحقیقات کرنے کا فیصلہ
_لاہور: نہر سے نامعلوم شخص کی تشدد زدہ نعش برآمد
پولیس نے 13 سالہ ذہنی معذور بچی کو بازیاب کروا لیا
جسٹس(ر)ڈاکٹر منیر احمد مغل علمی و دینی اور عدالتی حلقوں میں مستند حیثیت کی حامل شخصیت تھے، مقررین
ایکسپو سنٹر لاہور میں ایگری کوالیشن2024ء نمائش کا انعقاد، زراعت کی ترقی کیلئے جدید ٹیکنالوجی پر تبادلہ ..
یکم مئی کو منعقد ہونے والی قومی فلسطین کانفرنس امت مسلمہ کی ترجمانی کرے گی، ڈاکٹر عبدالغفور راشد
صوبائی وزیر معدنیات سردار شیر علی خان گورچانی کی زیر صدارت اہم اجلاس،ترقیاتی کاموں کا جائزہ لیا گیا
صوبائی وزیر صحت خواجہ سلمان رفیق کا وزیر تعمیرات و مواصلات کے ہمراہ ڈی ایچ کیو ہسپتال گجرات کا دورہ
لاہور سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری