یوتھ فورم فار کشمیرکے زیر اہتمام جشن آزادی ریلی

پیر 13 اگست 2018 23:04

لاہور۔13 اگست(اُردو پوائنٹ اخبارتازہ ترین - اے پی پی۔ 13 اگست2018ء) یوتھ فورم فار کشمیرکے زیر اہتمام پاکستان کی71ویں جشن آزادی کے حوالے سے پوری ملک میں تقریبات کا اہتمام کیا گیا اس سلسلہ میں لاہور میں ایوان کشمیر سے لبرٹی چوک گلبرگ تک ایک عظیم الشان جشن آزادی ریلی نکالی گئی جس کی قیادت چیف آرگنائزر طارق احسان غوری نے کی ۔ریلی میں سینکڑوں کارکنوں نے ہاتھوں میں پاکستانی پرچم لہراتے ہوئے قومی ترانہ پڑھا اور ملی ترانوں پر رقص کیا ۔

(جاری ہے)

جشن آزادی کی اس خوبصورت تقریب سے خطاب کرتے ہوئے طارق احسان غوری نے کہا کہ آزادی اللہ تعالیٰ کی ایک بہت بڑی نعمت ہے آج تجدید عہد کا دن ہے ہم اپنے مادر وطن پاکستان کو مضبوط خوشحال اور ناقابل تسخیر بنائیں گے ۔اس موقعہ پر شہدائے آزادی کو زبردست خراج تحسین پیش کیا گیا اور ان کے درجات کی بلندی کیلئے دعا کی گئی ،طارق احسان غوری نے کہا کہ قائد اعظم نے کشمیر کو پاکستان کی شہہ رگ قرار دیا تھا ۔ہم عہد کرتے ہیں کہ انشاء اللہ پاکستان کی شہہ رگ کشمیر کو بھارت کے خونی پنجوں سے آزاد کرائیں گے اور بہت جلد کشمیر بنے گا پاکستان کا نعرہ عملی صورت میں نظر آئیگا۔