وزیر صحت کی زیر صدارت میڈیکل کے تعلیمی اداروں اور ٹیچنگ ہسپتالوں کے سربراہان کا اجلاس
سپریم کورٹ کے حکم کی روشنی میں پینے کے صاف پانی کی دستیابی ، ادویات کی فراہمی اور انفیکشن کنٹرول کے اقدامات کا جائزہ لیا گیا تمام اداروں کے سربراہ پینے کے صاف پانی کی فراہمی اور مفت ادویات کی دستیابی بارے سرٹیفکیٹ جمع کرانے کے پابند ہوں گے
پیر 16 اپریل 2018 20:47
(جاری ہے)
اجلاس میں چیف انجینئر پبلک ہیلتھ اور واسا کی ٹیکنیکل ایکسپرٹ ڈاکٹر زینب نے پینے کے صاف پانی کی کوالٹی چیک کرنے ، پانی کے واٹر ٹینکس، ریزروائر ز اور واٹر ریسورس کی چیکنگ ، کلورینیشن اور دیگر امور کے بارے اجلاس کے شرکاء کو بریفنگ دی۔
پنجاب فوڈ اتھارٹی کی ڈاکٹر رافیعہ حیدر نے بتایا کہ صوبے کے تمام ٹیچنگ ہسپتالوں کے واٹر سیمپل تجزیہ کے لئے حاصل کرلئے گئے ہیں جس کی لیبارٹری رپورٹ جلد آجائے گی۔ سکریٹری ہیلتھ نجم احمد شاہ نے تعلیمی اداروں کے سربراہوں اور ٹیچنگ ہسپتالوں کے میڈیکل سپرنٹنڈٹس کو ہدایت کی کہ وہ اپنے اپنے ہسپتال کے پانی کے سورس کا سروے کریں اور اگر کسی جگہ پینے کا پانی صحت کے معیار پر پورا نہیں اترتا تو ماہرین کی رائے کی روشنی میں ٹیوب ویل کا بور بڑھایا جائے یا واٹر فلٹریشن پلانٹ لگائے جائیں اور پانی کی فراہمی کو چیک کرنے کے لئے کسی ذمہ دار شخص کی ڈیوٹی لگائی جائے۔ انہوں نے کہا کہ مریضوں ، ان کے لواحقین اور یونیورسٹی و میڈیکل کالج کے طلبہ کو پینے کے لئے شفاف پانی کی فراہمی پر کوئی سمجھوتہ نہیں کیا جائے گا۔ انہوں نے کہا کہ محکمہ صحت یا کسی بھی دوسرے ادارے کی انسپیکشن ٹیم کسی بھی ہسپتال یا تعلیمی ادارے کے پانی کا معیار چیک کرنے کے لئے اچانک دورہ کرسکتے ہی۔ نجم احمد شاہ نے کہا کہ سپریم کورٹ آف پاکستان کے احکامات کی روشنی میں ایک ماہ کے اندر ان تمام اقدامات کو یقینی بنانا ہے اور اس سلسلے میں تمام اداروں کے سربراہ محکمہ سپیشلائزڈ ہیلتھ کئیر اینڈ میڈیکل ایجوکیشن کو سرٹفکیٹ جمع کرائیں گے جو سپریم کورٹ آف پاکستان میں پیش کئے جائیں گے ۔ اجلاس میں تمام ٹیچنگ ہسپتالوں میںہسپتال کا مضر صحت کوڑا کرکٹ ٹھکانے لگانے کے انتظامات انسینیریٹرز کے استعمال اور شعبہ ایمرجنسی میں ادویات کی مفت فراہمی کے بارے میں بھی جائزہ لیا گیا ۔ تمام ہسپتالوں کے سربراہان نے بتایا کہ ہسپتالوں کے شعبہ ایمرجنسی میں سو فیصد ادویات مفت فراہم کی جارہی ہیں تاہم آئوٹ ڈور اور انڈور میں مریضوں کو پچاس سے اسی فیصد تک ادویات مفت فراہم کی جاتی ہیں ۔ اس موقع پر بتایا گیا کہ کچھ ادویات کے نتائج ڈرگ ٹیسٹنگ لیبارٹری سے ابھی تک موصول نہیں ہوئے تاہم اس حوالے سے متعلقہ DTLsسے مسلسل رابطہ ہے۔ وزیر صحت خواجہ سلمان رفیق نے کہا کہs DTLکو بھی سپریم کورٹ نے ایک ماہ کے اندر تمام ادویات کے نمونہ جات کی رپورٹس جاری کرنے کا حکم دیا ہے۔ اجلاس میں تمام ہسپتالوں کے سربراہان نے ہسپتال کے کوڑا کرکٹ کو تلف کرنے کے لئے کئے گئے اقدامات بارے انفرادی پیش رفت سے آگاہ کیا۔ سکریٹری ہیلتھ نجم احمد شاہ نے میڈیکل کے تعلیمی اداروں اور ٹیچنگ ہسپتالوں کے سربراہان سے کہا کہ وہ صاف پانی کی فراہمی ، انفیکشن کنٹرول اور ایمرجنسی میں مفت ادویات کی دستیابی کے معاملے کو انتہائی سنجیدگی کے ساتھ لیں اور ہر ادارہ ایک کمیٹی تشکیل دے جو تھرڈ پارٹی کی حیثیت سے مذکورہ انتظامات کی مسلسل نگرانی کرے اور ادارے کے سربراہ کو رپورٹ پیش کرے۔ خواجہ سلمان رفیق نے ہدایت کی کہ ہر ڈویژن میں پبلک ہیلتھ اور پاکستان کونسل آف ریسرچ ان واٹر ریسورسزکے علاقائی دفاتر کے ماہرین سے رابطہ رکھتے ہوئے پینے کے لئے صاف پانی کی فراہمی کو ہر قیمت پر یقینی بنایا جائے۔متعلقہ عنوان :
لاہور میں شائع ہونے والی مزید خبریں
ترقیاتی سکیمیں چھوٹی ہو ں یا بڑی کوالٹی کو یقینی بنایاجائے گا : کمشنر لاہور
کمشنر لاہور محمد علی رندھاوا کی زیرِ صدارت ڈویژنل ڈویلپمنٹ ورکنگ کمیٹی کا اجلاس
انٹرمیڈیٹ پارٹ 2 کے امتحانات: کمشنر لاہور کا مختلف امتحانی مراکز کا دورہ
مجھے جلدی شادی کرنے پر کوئی پچھتاوا نہیں ہی: سدرہ نیازی
پ*ریلوے کے ریفارم ایجنڈا کو ہر صورت آگے بڑھایا جائے گا : عامر بلوچ
ڑ*ٹائر جلاکر ایندھن بنانیوالی فیکٹریوں کیخلاف آپریشن، متعدد مسماراورسیل
آئی جی پنجاب ڈاکٹر عثمان انور کا مظفر گڑھ میں شادی کا جھانسہ دے کر طالبہ سے زیادتی کے واقعہ کا نوٹس
امریکی ادارے یونائیٹڈ سٹیٹس انسٹیٹیوٹ آف پیس کے وفد کی سنٹرل پولیس آفس آمد، آئی جی پنجاب ڈاکٹر عثمان ..
ٰ50 ویں کامن ٹریننگ پروگرام میں زیر تربیت اے ایس پیز کے وفد کا سنٹرل پولیس آفس کا مطالعاتی دورہ
گ*رائیونڈ: سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
پاکستان اور نیوزی لینڈ کے درمیان چوتھا ٹی20 کل کھیلا جائے گا
انٹرنیشنل کرکٹ میں شکست کو سرپرائز نہیں کہہ سکتے، شاداب خان
لاہور سے متعلقہ
پاکستان کی تازہ ترین خبریں
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
مختلف علاقوں میں زلزلے کے شدید جھٹکے
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
عمران خان اور پی ٹی آئی ایک حقیقت ہے ان کو مان لیں اور بات چیت کریں