جشن آزادی کنسرٹ کے انتظامات کیلئے نیشنل ہاکی سٹیڈیم میں ایل ڈی اے کا کیمپ آفس قائم

جمعہ 10 اگست 2018 17:20

لاہور۔10 اگست(اُردو پوائنٹ اخبارتازہ ترین - اے پی پی۔ 10 اگست2018ء) یوم آزادی کے موقع پر 14اگست کو ملی نغموں کا کنسر ٹ منعقد کرنے کیلئے انتظامات کو حتمی شکل دینے کی خاطر نیشنل ہاکی سٹیڈیم میں ایل ڈی اے کاکیمپ آفس قائم کرکے افسران کی ڈیوٹیاں لگا دی گئیں۔

(جاری ہے)

کنسرٹ شام 6 بجے سے شروع ہو کر رات گیارہ بجے تک جاری رہے گا جس میں عام شہریوں کے ساتھ ساتھ فیملیز بھی شرکت کریں گی ،کنسرٹ میں شرکت کرنے والوں کی طرف سے دیا میر بھاشا اور مہمند ڈیم کی تعمیر کے لئے سپریم کورٹ کی طرف سے قائم کئے جانے والے فنڈ میں عطیات جمع کرانے کے لئے بنک کا بوتھ بھی قائم کیا جائے گا۔

اس موقع پر فول پروف سیکورٹی یقینی بنانے کے لئے سیکورٹی پلان مرتب کیا جا رہا ہے جبکہ سڑکوں پر ٹریفک رواں دواں رکھنے اور گاڑیوں کی پارکنگ کے لئے ٹریفک پلان بھی تیار کیا جا رہا ہے ۔ جشن آزادی کنسرٹ کو کامیاب بنانے اور شہریوں کو ضروری سہولتیں مہیا کرنے کے لئے ایل ڈی اے کے اسسٹنٹ ڈائریکٹروں کی سربراہی میں عملے کی سات ٹیمیں تشکیل دی گئی ہیں جو 14اگست کو نیشنل ہاکی سٹیڈیم میں اپنے فرائض انجام دیں گی۔