پی ایم اے لاہورکے زیراہتمام یوم آزادی روایتی جوش و جذبہ کے ساتھ منایا گیا

منگل 14 اگست 2018 22:00

لاہور۔14 اگست(اُردو پوائنٹ اخبارتازہ ترین - اے پی پی۔ 14 اگست2018ء) پی ایم اے لاہورکے زیراہتمام یوم آزادی روایتی جوش و جذبہ اور اس عہد کی تجدید کے ساتھ منایا گیا کہ ڈاکٹر برادری وطن عزیز کی ترقی اور کامرانی میں اپنی ذمہ داریاں زیادہ احسن طریق سے پوری کرے گی۔جشن آزادی کے سلسلہ میں تقریب کا باقاعدہ آغاز پی ایم اے ہاؤس پر پرچم کشائی کے ساتھ کیا گیا۔

پی ایم اے لاہور کے صدرپروفیسر ڈاکٹر اجمل حسن نقوی نے پرچم کشائی کی۔

(جاری ہے)

جبکہ ڈاکٹر عظیم الدین زاہد،ڈاکٹر شاہد ملک، ڈاکٹر اظہار چوہدری، ڈاکٹر کامران سعید، ڈاکٹر واجد علی، ڈاکٹر اسماء یاسین ، ڈاکٹرارم شہزادی، ڈاکٹر علیم نواز ، ڈاکٹر ریاض ذوالقرنین، ڈاکٹر طلحہ شیروانی، ڈاکٹر احمد نعیم ،ڈاکٹر نادر خان، ڈاکٹر امتیاز احمداور ممبران مجلس عاملہ کی بڑی تعداد شریک ہوئی۔بعدازاں پی ایم اے ہاؤس میں جشن آزادی کا کیک کاٹا گیا ۔پی ایم اے لاہور کے عہدیداران نے اس موقع پر کہا کہ وطن عزیز اس وقت ایک بحران سے گزر رہا ہے اور اس ضمن میں ملک کی سلامتی اور بقاء کیلئے پی ایم اے ہاؤس میں خصوصی دعا کا اہتمام کیا گیا۔