پنجاب سیف سٹیز اتھارٹی نے قصورسیف سٹی پراجیکٹ کی کارکردگی رپورٹ جاری کر دی

جولائی کے دوران قوانین کی خلاف ورزی اور مشکوک حرکات پر2092کیسزرپورٹ کیے گئے 523 مشتبہ افراد؛296مشکوک گاڑیوں کومحافظ فورس کے ذریعہ چیک کیا؛138 گاڑیاں بند پولیس اور ٹی ایم اے کی مدد سی87 غیر قانونی تجاوزات گرائیں؛251کووارننگ نوٹس جاری کیے قانون شکنی اورغلط پارکنگ پر345 افراد کے چالان کیی؛پولیس تفتیشی افسران کو 9کیسز میں ویڈیو شواہد فراہم

جمعہ 17 اگست 2018 19:57

لاہور(اُردو پوائنٹ اخبارتازہ ترین - این این آئی۔ 17 اگست2018ء) پنجاب سیف سٹیز اتھارٹی نے قصورسیف سٹی پراجیکٹ کی کارکردگی رپورٹ جاری کر دی۔ جولائی کے دوران قوانین کی خلاف ورزی اور مشکوک حرکات پر2092کیسزرپورٹ کیے گئے۔ اس دوران 523 مشتبہ افراداور296مشکوک گاڑیوں کومحافظ فورس کے ذریعہ چیک کروایا گیا۔ قصور پولیس کے زریعے 138 مشکوک گاڑیوں کو بند کروایا گیا جبکہ پولیس تفتیشی افسران کو 9 مختلف کیسز میں ڈیجٹیل ویڈیو شواہد فراہم کیے گئے۔

قصور سیف سٹی نے جولائی کے مہینے میں 9ریلیاںاوراحتجاجی جلوس مانیٹر کیے۔ ایک ماہ میں قانون شکنی اورغلط پارکنگ پر345 افراد کے چالان کیے گئے۔ اس دوران پولیس اور ٹی ایم اے کی مدد سی87 غیر قانونی تجاوزات گرائی گئیں او ر251کووارننگ نوٹس جاری کیے ہیں۔

(جاری ہے)

یہاں یہ بات قابل ذکر ہے کہ قصور سیف سٹی پراجیکٹ کی کاوشوں سے محافظ فورس،ٹریفک پولیس اورپولیس سٹیشن کے رسپانس ٹائم میں 15منٹ تک بہتری آئی ہے جو وقت کے ساتھ ساتھ مزید بہتر ہو گی۔

یاد رہے کہ لاہور سیف سٹیز پراجیکٹ کی کامیابی سے تکمیل کے بعد سیف سٹیز اتھارٹی پنجاب کے دیگر چھ ڈویژنز میں سیف سٹیز پراجیکٹ لگا رہی ہے جن میں راولپنڈی، سرگودھا، فیصل آباد، گوجرانوالہ، ملتان اور بہاولپور شامل ہیں۔ لاہور ڈویژن میں لاہور شہر کے بعد قصور سیف سٹی منصوبے نے کام کا آغاز کیا ہے جس کے بعد شیخوپورہ اور ننکانہ صاحب میں سیف سٹی پراجیکٹ مکمل کیا جائے گا۔