ایئر مانیٹرنگ کیلئے خصوصی موبائل لیب کل سے فنکشنل ہوجائیگی،محکمہ ماحولیات

لاہور(اُردو پوائنٹ اخبارتازہ ترین - اے پی پی۔ 16 اکتوبر2018ء) سموگ کا ایشو صوبائی دارالحکومت لاہور کیلئے ایک بڑا ایشو ہے۔محکمہ ما حو لیا ت کے مطا بق فضائی آلودگی سموگ کی بڑی وجہ ہے اورحکومت صوبہ بھر میں سموگ پرقابوپانے کیلئے ہر ممکن اقدام کررہی ہے اوراس ضمن میں ائیرمانیٹرنگ کیلئے سٹیشن قائم کئے جارہے ہیںجو سموگ سے متعلق ڈیٹافراہم کریںگے۔

گوجرانوالہ ،فیصل آباد اورملتان میں ایئر مانیٹرنگ سٹیشن نصب کردیئے گئے ہیںجبکہ سرحد پار سے فصلوں کی باقیات جلانے سے ہوا کے ذریعے آنیوالی راکھ کی مانیٹرنگ کیلئے بی آر بی نہر کے پار خصوصی ایئر مانیٹرنگ سٹیشن قائم کیا گیا ہے اس کے علا وہ ایئر مانیٹرنگ کیلئے خصوصی موبائل لیب بھی کل18اکتوبر سے فنکشنل ہوجائیگی،تر جما ن محکمہ ما حو لیا ت نے کہاکہ صوبہ بھر میں فصلوں کی باقیات، پولی تھین بیگ، ٹائراور ربڑ جلانے پر پابندی عائد کردی گئی ہے اوراس ضمن میں دفعہ 144کا صوبہ بھر میں نفاذ کیا گیا ہے اس کی خلاف ورزی پر بلاامتیاز کارروائی کی جائے گی ۔

(جاری ہے)

انہوںنے کہا کہ زگ ز یگ ٹیکنالوجی کے استعمال کیلئے بھٹہ مالکان کو ترغیب دی جارہی ہے، غلط ایندھن استعمال کرنے والے اینٹوں کے بھٹوں کو بند کردیاگیا ہے جبکہ پرانے ڈیزائن کے مطابق بننے والے نئے بھٹوں کی تعمیر روک دی گئی ہے ، دھواں چھوڑنے والی گاڑیوں کیخلاف بھی کارروائی جا ری رہے گی ۔ انہوں نے کہا کہ پنجاب بھر میں فصلوں کی باقیات جلانے والے افراد کیخلاف اور ماحولیاتی آلودگی پھیلانے پرمتعد د صنعتی یونٹ سیل کئے گئے ہیں۔ انہوں نے کہا کہ بھٹوں‘گاڑیوں کے دھویں سے پیدا ہونے والی آلودگی’صنعتی آلودگی‘ فصل کی باقیات جلانے سے پیدا ہونے والی راکھ سموگ کی بنیادی وجوہات ہیں جن کو کنٹرول کیا جائے گا۔