کینٹ ڈویژن پولیس نے مختلف جرائم میں ملوث160ملزمان گرفتار کرلئے

ہفتہ 8 دسمبر 2018 17:14

لاہور۔8 دسمبر(اُردو پوائنٹ اخبارتازہ ترین - اے پی پی۔ 08 دسمبر2018ء) ایس پی کینٹ محمدآصف امین نے کہا ہے کہ کینٹ ڈویژن میں جرائم کی بیخ کنی اورشہریوں کو تحفظ کی فراہمی کے لئے پولیس فورس پوری لگن اور جذبے سے خدمات سرانجام دے رہی ہے۔جرائم کی سرکوبی کیلئے جاری آپریشن میں مزید تیز ی لائی گئی ہے۔

(جاری ہے)

جرائم پیشہ افراد کی بیخ کنی کی مہم کے دوران کینٹ ڈویژن پولیس نے ایس پی کینٹ ڈویژن محمدآصف امین کی ہدایت پر جرائم پیشہ افراد کے خلاف گرینڈ آپریشن کا شروع کر رکھا ہے۔

جس کے تسلسل میں مختلف چھاپوں اور کارروائیوں کے دوران14پسٹلز،06بندوقیں،01رائفل،82گولیاں،439بوتلیں شراب ،01کلو چرس سے زائد چرس اور قمار بازی پر لگی تقریبا81ہزار روپے سے زائدرقم برآمد کی گئی ۔تین مختلف گینگزکے 8ممبران کو گرفتار کر کے ان کے قبضہ سے 90ہزار روپے نقدی برآمدکی گئی۔ون ویلنگ،ہوائی فائرنگ ،گداگری،پرائس کنٹرول اور سائونڈ سسٹم کی خلاف ورزی پر27 ملزمان کو گرفتار کیاگیا۔