لاہور،بلدیہ عظمیٰ کے انٹی انکروچمنٹ اسکواڈ کاتجاوزات کے خلاف آپریشن

پیر 18 مارچ 2019 23:29

لاہور(اُردو پوائنٹ اخبارتازہ ترین - این این آئی۔ 18 مارچ2019ء) میئر بلدیہ عظمیٰ لاہور کرنل (ر) مبشر جاوید کی ہدایت پر کلین اینڈ گرین پروگرام کے تحت‘‘ میونسپل آفیسر(ریگولیشن) زبیر احمد وٹوکی زیر نگرانی بلدیہ عظمیٰ کے انٹی انکروچمنٹ اسکواڈ نے تجاوزات کے خلاف آپریشن کیا۔ دوران آپریشن سمن آبادزون اسکواڈ نے علی مارکیٹ، بسم اللہ چوک سے تجاوزات کا سامان 01ٹرک میں لاد کر سٹور میں جمع کروا دیا۔

(جاری ہے)

اقبال زون اسکواڈ نے پی آئی اے روڈ سے تجاوزات کا سامان 01ٹرک میں لاد کر سٹور میں جمع کروا دیا۔ شالامارزون اسکواڈ یو ای ٹی جی ٹی روڈ سے بینرز، سٹریمرز اور فلیکسز وغیرہ اتار دئیے گئے۔ نشتر زون اسکواڈ نے پلی سٹاپ، گجر کالونی، کاہنہ سے تجاوزات کا سامان 02 ٹرکوں میںلاد کر سٹور میںجمع کروا دیا۔واہگہ زون اسکواڈ نے قائداعظم انٹرچینج تا جلو موڑ سے تجاوزات کا سامان 02ٹرکوں میں لاد کر سٹور میں جمع کرو ادیا۔ انٹی انکروچمنٹ اسکواڈ نے مجموعی طورپر تجاوزات کا سامان 06ٹرکوں میں لاد کر سٹور میں جمع کروا دیا۔