فوڈ اتھارٹی افسران کی پیشہ ورانہ استعداد کار بڑھانے کیلئے مزید7افسران ٹریننگ کورسز کیلئے منتخب

لاہور۔22 اپریل(اُردو پوائنٹ اخبارتازہ ترین - اے پی پی۔ 22 اپریل2019ء) ڈائریکٹر جنرل پنجاب فوڈ اتھارٹی کیپٹن (ر) محمدعثمان نے ادارے کے افسران کی پیشہ ورانہ استعداد کار بڑھانے کے حوالے سی7افسران کو ٹریننگ کورسز کیلئے منتخب کر لیا ،مختلف شعبوں کے افسران کو کمیونیکیشن سکلز اور پروگرام مینجمنٹ ٹریننگ کورسسز پر بھیجا جائے گا،تفصیلات کے مطابق پنجاب فوڈ اتھارٹی افسران کی پیشہ ورانہ استعداد کار کو بڑھانے کے حوالے سے مزید افسران کو ٹریننگ کورسزپر بھیجنے کا فیصلہ کیا گیا ہے،ڈی جی فوڈ اتھارٹی نی7افسران کو ٹریننگ کورسز کیلئے منتخب کیا ہے،منتخب افسران کا ٹیکنیکل ،آپریشنز، ایڈمن اور پی آر ونگ سے انتخاب کیا گیا ہے،ان شعبوں کے افسران کو کمیونیکیشن سکلز اور پروگرام مینجمنٹ ٹریننگ کورسز پر بھیجا جائے گا، ڈی جی فوڈ اتھارٹی کا کہنا تھا کہ ٹریننگ پروگرامز کا مقصد افسران کو محدود وسائل میں موثر کارگردگی دکھانے کے قابل بنانا ہے،یاد رہے اس سے قبل بھی مختلف ونگزکے افسران و ملازمین کومختلف ٹریننگ کورسز پر بھیجا جا چکا ہے،کیپٹن (ر) محمد عثمان نے مزید کہا کہ قوانین اور جدید ٹیکنالوجی سے ہم آہنگ کرنے کیلئے ایسے کورسز انتہائی مددگار ثابت ہوتے ہیں،انہوں نے کہا کہ کسی بھی ادارے کی بہتر اور مثالی کارکردگی کیلئے افسران کا تربیت یافتہ ہونا ناگزیر ہو تا ہے۔