تحریک انصاف کے یوم تاسیس پر چیئرمین سیکرٹریٹ گارڈن ٹائون میں تقریب کا انعقاد

لاہور۔25 اپریل(اُردو پوائنٹ اخبارتازہ ترین - اے پی پی۔ 26 اپریل2019ء) پاکستان تحریک انصاف کے 23ویں یوم تاسیس کے حوالے چیئرمین سیکرٹریٹ گارڈن ٹائون میںشاندار تقریب کا انعقاد کیا گیا۔ اس موقع پر پاکستان تحریک انصاف کے مرکزی ایڈیشنل سیکرٹری جنرل اعجاز احمد چوہدر ی نے میڈیا کے نمائندوں سے گفتگو اور یوم تاسیس کی تقریب سے خطاب کرتے ہوئے کہاکہ تحریک انصاف کے کاروانِ وفا کے ساتھیوں کو مبارکباد پیش کرتا ہوں ،تحریک انصاف کی 23 سالہ تاریخ جدوجہد بے مثال قربانیوں سے عبارت ہے، بانی چیئرمین کی قیادت میں تحریک انصاف نے پاکستانی سیاست کا رخ موڑا،تحریک انصاف نے سیاست کو افراد اور خاندانوں کے حصار سے نکال کر متوسط طبقے کے حوالے کیا، تحریک انصاف نے نوجوان طبقے کو قومی قیادت کیلئے تیار کیا،اپنے قیام کے 23ویں برس تحریک انصاف توانا ہے اور ریاستِ مدینہ کے قیام کی جانب پیش قدمی کررہی ہے، ہر قسم کے جبر و استحصال کا خاتمہ کرکے قوم کو خوشحالی کی نوید دیں گے، راہِ وفا میں قیدوبند کی صعوبتیں برداشت کرنے اور مال و جان کے نذرانے پیش کرنے والوں کو سلامِ عقیدت پیش کرتے ہیں،تقریب سے عمر ڈار، غلام محی الدین دیوان ،شبیرسیال، سعدیہ سہیل ، عرفان حسن ، امین ذکی ،محمد مدنی ، سہیل بٹ، مظہر ساہی ، ام البنین ، یاسر گیلانی ، شیخ امتیاز سمیت دیگر کارکنوں اور رہنمائوں نے خطاب کرتے ہوئے کہاکہ عمران خان ہی واحد لیڈر ہیں جو ملک کو موجودہ بحرانوں سے نکالنے کی صلاحیت رکھتا ہے ، تحریک انصاف کی حکومت کو پیپلزپارٹی اور ن لیک کی سابقہ حکومتوں نے مسائل سے دوچار پاکستان تحریک انصاف کی حکومت کے حوالے کیا، زرداری اور نوازشریف خاندانوں نے ملک کو دونوں ہاتھوں سے لوٹا ہے ، پی ٹی آئی کی حکومت ملک سے کرپشن کا خاتمہ اور عوامی مسائل حل کرے گی، آج پی ٹی آئی کے کارکنان تجدید عہد کرتے ہیں کہ کارکنان عمران خان کی قیادت میں متحدہیں اور اپنی حکومت کے شانہ بشانہ کھڑے ہیں ، مخلص اورمحنتی کارکنوں کی جرات کو سلام پیش کرتے ہیں جنہوں نے عمران خان کی قیادت میں کرپشن کے خاتمے اور فرسودہ کے خاتمے کے لئے جدوجہد میں ساتھ دیا ہے ، تقریب میںرانا عبدالسمیع ، ایم پی ایز آپا صادقہ صاحب داد ، سمابیہ طاہر ، سمیرا احمد، شاوانہ بشیر عثمان ظفر، ،مہر واجد عظیم ،ڈاکٹر فاروق طاہر چشتی، جمشید اقبال چیمہ، عارف چشتی ، میاں اکرم عثمان، علی امتیاز وڑائچ، خواجہ جمشید امام، احمد علی بٹ، اشتیاق ملک ، نوید انصاری ،لقمان قاضی، رانااختر حسین ،شفیق ، سیدصلاح الدین، علی رضا نقوی ،خاقان میر ، میجر بشیر، طارق جاوید بٹ، ارشد میوء، سلمان ظفر، عرفان احمد ، حضرات خان ، مہر نعیم اللہ تاج، فرحت فاروق ، فرح آغا، سمیرا عابد، لبنی ملک، روبینہ عزیز، جمیلہ یونس، شبانہ ، نادرہ عمر، روبینہ انصاری، حاجی ارشاد، ندیم چوہدری، رضوان، شہزاد منشی، محبوب ، عمران قریشی، مراد اکرم ،عمران یعقوب ، زبیراحمد، وقار خان ، فہیم چوہدری، منفر گوندل، عاصم ،بلال، ساجد ، سلیم ، راجہ عابد یونس ، قیصر جاوید بٹ، سمیت بڑی تعداد میں پی ٹی آئی کے رہنمائوں اور کارکنوں نے شرکت کی ۔

(جاری ہے)

بعد ازاں پارٹی رہنمائوں اور کارکنوں نے یوم تاسیس کا کیک بھی کاٹا۔