ضلع لاہور میں زیر التواء کیسز پر کمشنر لاہور کاعدم اطمینان،ضلعی انتظامیہ دو دن میں لائحہ عمل ترتیب دے،آصف بلال لودھی

بدھ 16 اکتوبر 2019 23:50

لاہور۔16 اکتوبر(اُردو پوائنٹ اخبارتازہ ترین - اے پی پی۔ 16 اکتوبر2019ء) کمشنر لاہور ڈویژن آصف بلال لودھی نے کہا ہے کہ ڈویژن سطح پر اوورسیز پاکستانیوں کے مسائل کے حل کیلئے ضلعی کمیٹیوں کے اجلاس میں شیخوپورہ رینج پولیس و ضلع شیخوپورہ پندرہ دن میں التواء کیسز کو صفر سطح پر لائینگے۔ انہوں نے زیر التواء کیسز پر کمشنر لاہور آصف بلال لودھی نے عدم اطمینان کا اظہار کیا۔

انہوں نے کہا کہ ضلعی انتظامیہ لاہور و پولیس انتظامیہ دو دن میں لائحہ عمل ترتیب دیں۔

(جاری ہے)

کمشنر لاہور نے ضلع قصور کو اگلے ایک ہفتہ میں کیسز کو صفر سطح پر لانے کی ہدایت کی۔ انہوں نے کہا اوورسیز ضلعی کمیٹیوں کے اجلاس میں صرف نوٹیفائیڈ افسران شرکت کرینگے۔ کمشنر لاہور ڈویژن آصف بلال لودھی کی زیرصدارت ڈویژنل سطح پر اوورسیز ضلعی کمیٹیوں کا اجلاس منعقد ہوا۔ تمام اضلاع کے ضلعی چیئرمینوں اور ڈپٹی کمشنروں نے ویڈیو لنک میٹنگ میں شرکت کی۔اجلاس میں چیئرمین ضلعی کمیٹی لاہور ملک جہانگیر، ایم پی اے ملک ندیم بارا، ایس ایس پی آپریشنز لاہور فیصل شہزاد، اے ڈی سی لاہور عامر شفیق اور اے سی سید منورعباس بخار ی نے شرکت کی۔