سالانہ عالمی انسداد بدعنوانی ڈے کے حوالے سے نیب لاہور کی مرکزی تقریب کا انعقاد
نیب ملک سے کرپشن و بدعنوانی کے خاتمہ کیلئے بھرپور کوششیں جاری رکھے ہوئے ہے، شہزاد سلیم
جمعرات 5 دسمبر 2019 23:58
(جاری ہے)
انہوں نے کہا کہ چیئرمین نیب جسٹس ریٹائرڈ جاوید اقبال کی بے مثال قیادت میں نیب ملک سے کرپشن و بدعنوانی کے خاتمہ کیلئے بھرپور کوششیں جاری رکھے ہوئے ہے ۔
انہوں نے کہا کہ کرپشن کے خلاف نیب کے اقدامات سال کے 365ایام جاری رہتے ہیں نا کہ سال کے آخر میں ایک تقریب کا انعقادکر کے نیب اپنی زمہ داری پوری کر لیتا ہے۔نیب کے افسران بدعنوان عناصر کو سزائیں دلوانے کیلئے دن رات کوششیں جاری رکھے ہوئے ہیں یہی وجہ ہے کہ بدعنوان عناصر کی نیندیں بھی حرام ہو چکی ہیں۔ انہوں نے کہا کہ جہاں نیب ملک و قوم کی ترقی و سربلندی کیلئے کام کر رہا ہے وہاں کرپٹ عناصر اپنے اثاثے بنانے اور اپنی زاتیات کیلئے کوششیں کر رہے ہیں۔انہوں نے کہا کہ نیب سے کسی بے گناہ کو ڈرنے کی ضرورت نہیں کیونکہ نیب کا خوف صرف اور صرف کرپٹ و بدعنوان عناصر پہ ہے ۔بین الاقوامی انسداد بدعنوانی ڈے کے موقع پر تقریب میں نیب لاہور کی گذشتہ تین سالہ کارکردگی بیان کرتے ہوئے انہوں نے کہا کہ مجموعی طور پر کرپشن کیسز میں نیب لاہور کی کارکردگی میں 500 گنا اضافہ ہوا ہے جبکہ ہائوسنگ سیکٹر کے مقدمات میں نیب لاہور کی کارکردگی ماضی کے مقابلے میں 700 گنا بہتر رہی۔ انہوں نے کہا کہ نیب لاہور کے قیام 1999 سے 2016 تک بیورو نے مجموعی طور پر 111 ارب روپے ریکور کئے جبکہ چیئرمین نیب کی قیادت میں نیب لاہور کی کارکردگی گذشتہ 3سالوں میں 116 ارب روپے رہی ہے جو تین سالوں کے دوران سالانہ اوسط 39 ارب سے زائدہے۔ اسی طرح ماضی کے 17سالوں کے دوران نیب لاہور نے کل 76 ارب مالیت پر مشتمل ریفرنس احتساب عدالتوں میں دائر کئے تاہم اسکے مقابلہ میں گذشتہ 3سالوں کے دوران ہم 55ارب مالیت کے ریفرنس دائر کر چکے ہیں اس طرح ریفرنسز کی مالیت میں 310گنا اضافہ دیکھنے میں آیا۔ پلی بارگین کی مد میں نیب لاہور 17سالوں کے دوران 14 ارب روپے ملزمان سے وصول کرنے میں کامیاب رہا جبکہ 2017سے تاحال نیب لاہور نے پلی بارگین کی مد میں 265گنا اضافہ کیساتھ 9 ارب روپے وصول کئے۔نیب لاہور کی ان ڈائریکٹ ریکوری پر روشنی ڈالتے ہوئے انہوں نے کہا کہ 1999سے 2016تک نیب لاہور کی ان ڈائریکٹ ریکوری 22ارب رہی تاہم موجودہ چیئرمین نیب کی 3سالہ قیادت میںنیب لاہور کی ان ڈائریکٹ ریکوری 53ارب ہے جس میں 1200 سو گنا اضافہ ریکارڈ کیا گیا ہے۔ ہائوسنگ سیکٹر کے کیسز میں انہوں نے کہا کہ 54 ہزار متاثرین کوان کی ڈوبی ہوئی رقوم اور پلاٹ واپس دلوائے گئے ہیں۔ نیب کی کارکردگی بیان کرتے ہونے ان کا مزیدکہنا تھا کہ نیب صرف گرفتاریاں نہیں کرتا بلکہ نیب ملزمان سے لوٹی گئی قومی دولت کی وصولیاں بھی کرتا ہے۔نیب لاہور کے آگاہی و تدارک ونگ کا حقیقی مقصد نئی نسل میں خوداحتسابی کی تمنا پیدا کرنا ہے تاکہ وہ اپنے گھروں میں بھی خود احتسابی کی فضاء قائم کر سکیں۔ انہوں نے کہا کہ نیب لاہور پنجاب کے 21اضلاع میں موجود کل 1100سکولز، 224 کالجز اور 42یونیورسٹیوں کے طلباء و طالبات پر مشتمل 1823کردار سازتنظیمیں فعال کر چکا ہے جبکہ نیب لاہور کے Prosecution ونگ کیجانب سے ملزمان کو سزائیں دلوانے کا تناسب 70% رہا ہے جو کسی بھی دوسرے احتساب کے ادارے سے زیادہ ہے۔ انسدادبدعنوانی مہم کا ریگولیٹر ہوتے ہوئے نیب کے اقدامات جاری و ساری ہیں۔تقریب سے خطاب میں مہمان خصوصی حریت رہنما مشعال ملک نے کہاکہ کرپشن کے خاتمے کیلئے ہم سب کو ملکر کام کرنا ہوگا ہمارا ضمیر ہمیں حلال اور حرام کی پہچان بتاتا ہے ۔ انہوں نے کہا کہ دیانتداری سب سے بڑا میڈل ہے جبکہ کشمیر کے حوالے سے انہوں نے کہا کہ مقبوضہ کشمیر میں چار ماہ سے کرفیو کا عالم ہے ، کشمیر کی ساری لیڈر شپ کو بند کیا ہوا ہے جبکہ کشمیری عوام کی نگاہیں پاکستان پر ہیں۔بعد ازاں تقریب میں ڈاکٹر حسن عسکری رضوی اور سید قاسم علی شاہ نے بھی -’’کرپشن معاشرے میں ظلم کو جنم دیتی ہے‘‘ کے موضوع پر اپنے خیالات کا اظہار کیا۔تقریب کے دوران مہمان خصوصی محترمہ مشعال ملک اور ڈی جی نیب لاہور نے مختلف مقابلہ جات میں پہلی پوزیشن حاصل کرنے والے طلباء و طالبات کو کیش پرائز اور تعریفی سرٹیفکیٹس سے نوازا جبکہ نیب لاہور میںرواں سال بہترین کارکردگی کا مظاہرہ کرنیوالے افسران کو تعریفی سرٹیفکیٹ دیئے گئے ۔ تقریب کے اختتام پر ’’ بدعنوانی کے معاشرتی زندگی پہ اثرات‘‘ کے موضوع پہ طلباء و طالبات کی جانب سے بنائی گئی مختلف پینٹنگز کو نمائش کا حصہ بھی بنایا گیا ۔لاہور میں شائع ہونے والی مزید خبریں
صوبہ پنجاب سے قومی اسمبلی کی دومخصوص نشستوں کا شیڈول جاری
حلقہ این اے 148 ملتان اور پی پی 269مظفر گڑھ میں ضمنی انتخابات کی سرگرمیاں جاری
طارق محمود کسٹم انٹیلی جنس کے کنوینر مقرر
پنجاب کے ہائی اور ہائر سیکنڈری سکولوں میں لائبریریز نہ ہونے کا انکشاف
جناح ہائوس جلائو گھیرائو مقدمے میں پی ٹی آئی رہنما طیبہ راجہ کے وارنٹ گرفتاری جاری
ن) لیگ کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
فارم 48،47اور49جاری ہونے کے بعد ووٹوں کی دوبارہ گنتی کا حکم نہیں دیا جا سکتا‘ہائیکورٹ کا تحریری فیصلہ ..
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
پاکستان اور بھارت ہمسائے ہیں ،بہت سے معاملات ہیں جن کی بنیاد پر آگے بڑھا جا سکتا ہے ‘ ملک احمد خان
لاہور پولیس پاکستان نیوزی لینڈ ٹی ٹونٹی کرکٹ میچوں کے جامع سیکورٹی پلان پرعمل پیرا ہے،سی سی پی او
ریل کاپ نے 66 مزدوروں کو جبری نوکری سے نکال دیا
ٹرین میں تاریں کاٹ کر تانبہ چوری کرنے والا شخص پکڑا گیا
لاہور سے متعلقہ
پاکستان کی تازہ ترین خبریں
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار