لاہور،ماڈل ٹائون ڈویژن پولیس کی گذشتہ ہفتے کی کارکردگی رپورٹ

جمعہ 23 اکتوبر 2020 21:54

لاہور (اُردو پوائنٹ اخبارتازہ ترین - آن لائن۔ 23 اکتوبر2020ء) ڈی آئی جی آپریشنزلاہور اشفاق خان کی ہدایت پرماڈل ٹائون ڈویژن پولیس کا جرائم پیشہ عناصر کے خلاف کریک ڈائون جاری ہے۔ایس پی ماڈل ٹائون ڈویژن دوست محمد کی قیادت میںماڈل ٹائون ڈویژن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے مختلف جرائم میں ملوث148ملزمان گرفتار کر لیئے۔

ڈکیتی و چوری کی وارداتوں میں ملوث گینگز کی07 ملزمان کے قبضہ سی04 لاکھ50ہزار روپے مالیت کا مسروقہ مال برآمد کیا گی۔

(جاری ہے)

ناجائز اسلحہ کے خلاف کارروائی کے دوران ملزمان کے قبضہ سی20پسٹلزاور درجنوں گولیاںبرآمدکی گئیں۔منشیات کے خلاف کارروائی کرتے ہوئی28منشیات فروشوں کے قبضہ سی03کلو685گرام چرس،28 گرام ہیروئن اور252 لٹر شراب برآمد کی گئی۔قمار بازوں کے خلاف کارروائی کے دوران12 ملزمان کے قبضہ سے دائو پر لگی31 ہزار روپے سے زائد ٹکڑی رقم برآمد کی گئی۔ ڈکیتی، چوری، چیک ڈس آنر، دھوکہ دہی سمیت دیگر مقدمات میں مطلوب30 اشتہاری وعدالتی مجرمان گرفتارکئے گئے۔ ون ویلنگ،پتنگ بازی، ہوائی فائرنگ،کرایہ داری و دیگر ایکٹ کی خلاف ورزی پر44ملزمان گرفتار کئے گئے۔