حکومت نے جلسے روکنے کی دھمکی دی ہے ،کیا اپوزیشن کے جلسوں میں ہی کورونا پھیلتا ہے‘ پلوشہ خان

کیا کورونا حکومت کے جلسوں میں نہیں آتا،حکومت نے لاک ڈائون لگایا گیا تو پھر ہم بھی اپنا لائحہ عمل بتائینگے‘ پریس کانفرنس

جمعرات نومبر 20:30

لاہور(اُردو پوائنٹ اخبارتازہ ترین - این این آئی۔ 26 نومبر2020ء) پیپلز پارٹی کی مرکزی ڈپٹی سیکرٹری اطلاعات پلوشہ خان نے کہا ہے کہ حکومت نے جلسے روکنے کی دھمکی دی ہے ،کیا اپوزیشن کے جلسوں میں ہی کورونا پھیلتا ہے ،کیا کورونا حکومت کے جلسوں میں نہیں آتا،حکومت نے لاک ڈائون لگایا گیا تو پھر ہم بھی اپنا لائحہ عمل بتائیں گے۔ ماڈل ٹاون میں پیپلزپارٹی کے رہنماسید حسن مرتضی اور دیگر کے ہمراہ پریس کانفرنس کرتے ہوئے انہوں نے کہاکہ حکومتی دھمکیوں کے باوجود پی ڈی ایم کے جلسے جاری رہیں گے، بدھ کے روز نیازی صاحب نے بہت سے جھوٹ بولے ہیں کہتے ہیں لاہور میں قبضہ مافیا کو ختم کردیا ہے۔

نہیں جناب صرف اپنے رشتہ داروں کیلئے قبضہ مافیا ختم کیا ہے،باقی لاہور آج بھی قبضہ مافیا کے رحم و کرم پر ہے۔

(جاری ہے)

50 سال سے پاکستان اس حد نہیں پہنچا جہاں یہ لے آئے ہیں سعودی عرب اور دیگر ممالک پاکستان سے دور ہوگئے آپ کے رٹے رٹائے طوطے سب کے سامنے اسرائیل کو تسلیم کرنے کی بات کر رہے ہیں۔ ہم کہتے ہیں کہ سپریم کورٹ ان سے پوچھے ان کے پیچھے کون ہے۔

انہو ں نے کہا کیا اپوزیشن کے جلسوں سے انہیں کور ونا کا خطرہ ہے،جب وزیر اعظم خود جلسوں میں جاتے ہیں کیا تب کرونا نہیں آتا،اپوزیشن کے جلسے ہر صورت میں ہوں گے ،کیا اپوزیشن کے جلسوں میں ہی کورونا پھیلتا ہے ،کیا کورونا حکومت کے جلسوں میں نہیں آتا ،پی ڈی ایم کے جلسے جاری رہیںگے۔ پلوشہ خان نے کہا کہ اسٹیٹ بینک کے مطابق پاکستان کی تاریخ میں پہلی بارجی ڈی پی منفی رہا ، بھارت نے امریکہ سے دفاعی معاہدہ کرلیا اور انہیں ہوش ہی نہیں،اب حکومت کی ہر حرکت پر 22 کروڑ عوام کی نظر ہے،جولیڈرحق سچ کی بات کرتاہے اسے دہشتگردوں سے دھمکیاں دلوائی جارہی ہیں،آج تک فارن فنڈنگ کیس کا فیصلہ کیوں نہیں ہو پا رہا ۔

حکومت نے لاک ڈائون لگایا گیا تو پھر ہم بھی اپنا لائحہ عمل بتائیں گے ۔حسن مرتضی نے کہا کہ سابق وزیر اعظم یوسف رضا گیلانی کے صاحبزادے موسی گیلانی کوکوروناایس اوپیزکی خلاف ورزی کابہانہ بناکرگرفتارکیاگیا،کورونابہت سیاناہے جوہمارے جلسوں سے پھیلتاہے حکومت کے جلسوں سے نہیںپھیلتا،ملتان میں 30 نومبر کاجلسہ تاریخی ہوگا،بلاول بھٹوکاکورونامثبت ہے مگرہماریساتھ رابطے میں ہیں ،بغیرقیادت کے سڑکوں پرموجودلوگ زیادہ خطرناک ہیں،عوام کوبے سہاراچھوڑدیاتواپوزیشن قیادت قوم کی مجرم ہوگی۔

لاہور شہر میں شائع ہونے والی مزید خبریں:

Your Thoughts and Comments