دنیا کی پہلی ایک ہزار بہترین یونیورسٹیوں کی فہرست میں لاہور کی چار یونیورسٹیز بھی شامل

بدھ 2 دسمبر 2020 23:30

لاہور(اُردو پوائنٹ اخبارتازہ ترین - این این آئی۔ 02 دسمبر2020ء) عالمی ادارے کیو ایس رینکنگ نے یونیورسٹیوں کی درجہ بندی کی نئی فہرست جاری کر دی، دنیا کی پہلی ایک ہزار بہترین یونیورسٹیوں کی فہرست میں لاہور کی چار یونیورسٹیز بھی شامل ہو گئیں۔معروف برطانوی ادارے کیو ایس نے جامعات کی نئی درجہ بندی برائی2021 جاری کردی ہے۔ عالمی درجہ بندی میں پاکستان کی 3 جامعات دنیا کی بہترین 500 جامعات میں شامل ہیں۔

لاہور سے چار یونیورسٹیز دنیا کی پہلی ایک ہزار بہترین یونیورسٹیوں میں شامل ہو گئی ہیں۔ لاہور یونیورسٹی آف مینجمنٹ سائنسز 651 ویں نمبر پر،کامسیٹس یونیورسٹی، یو ای ٹی اور پنجاب یونیورسٹی 801 نمبر پر آ گئی ہیں۔ پاکستان سے پہلے نمبر پر نیشنل یونیورسٹی آف سائنسز اینڈ ٹیکنالوجی، پاکستان انسٹیٹیوٹ آف انجینئرنگ اینڈ اپلائیڈ سائنسز اسلام آباد اور قائد اعظم یونیورسٹی تیسرے نمبر پر ہے۔

(جاری ہے)

عالمی درجہ بندی میں امریکہ کی ایم آئی ٹی پہلے نمبر پر ، اسٹینفورڈ دوسرے، ہارورڈ تیسرے نمبر پر، کیلیفورنیا انسٹیٹیوٹ آف ٹیکنالوجی چوتھے نمبر پر، آکسفورڈ یونیورسٹی پانچویں، ای ٹی ایچ زیورخ سوئس انسٹیٹیوٹ چھٹے،کیمبرج یونیورسٹی ساتویں، امپیریل کالج لندن آٹھویں، یونیورسٹی آف شکاگو نویں، یو سی ایل 10ویں نمبر پر ہے۔