ضلعی انتظامیہ کی کورونا ایس او پیز پر عملدرآمد کروانے کے لئے کاروائیاں جاری

پیر 18 جنوری 2021 20:39

لاہور(اُردو پوائنٹ اخبارتازہ ترین - این این آئی۔ 18 جنوری2021ء) ضلعی انتظامیہ لاہور کی کورونا ایس او پیز پر عملدرآمد کروانے کے لئے رات گئے تک کاروائیاں جاری رہیں۔ اسسٹنٹ کمشنر ماڈل ٹاؤن ذیشان نصر اللہ رانجھا نے قذافی اسٹیڈیم کے علاقے میں کاروائیاں کی کیں۔ انہوں نے کورونا ایس او پیز پر عملدرآمد نہ کرنے والے ریسٹورنٹس کو سیل کر دیا۔ فضل حق ریسٹورنٹ، ڈیرہ ریسٹورنٹ،ماٹھا میکاریسٹورنٹ کو سیل کیا گیا اور مینجرز کو گرفتار کر لیا گیا ہے۔

ایف آئی آر کا اندراج کروایا گیا۔

(جاری ہے)

کورونا ایس او پیز پر عملدرآمد نہ کرنے کے باعث کاروائیاں عمل میں لائی گئیں ہیں۔ ڈی سی لاہور مدثر ریاض نے کورونا ایس او پیز پر عملدرآمد کروانے کے لئے سختی سے ہدایات جاری کر رکھی ہیں۔ علاوہ ازیں اسسٹنٹ کمشنر سٹی فیصان احمد نے تحصیل سٹی میں کورونا ایس او پیز پر عملدرآمد کروانے کے لئے مختلف علاقوں کا دورہ کیا اور کونیکا فوٹو لیب کو سیل کر دیا۔ اے آر الیکٹرانکس بھی سیل کر دیا۔ انہوں نے کہا کہ کورونا ایس او پیز پر عملدرآمد نہ کرنے کے باعث سیل کیا گیا ہے۔ ڈی سی لاہور مدثر ریاض کی ہدایت پر کورونا ایس او پیز پر عملدرآمد کروانے کے حوالے سے کاروائیاں جاری ہیں۔