حکومت دو کروڑگھرانوں کے 10کروڑافرادکواشیائے خوردونوش پر سبسڈی دینے کا پروگرام شروع کررہی ہے، جمشید اقبال چیمہ

جمعہ 22 اکتوبر 2021 17:26

لاہور۔22اکتوبر  (اُردو پوائنٹ اخبارتازہ ترین - اے پی پی - اے پی پی۔ 22 اکتوبر2021ء) :پاکستان تحریک انصاف کے حلقہ این اے133سے امیدوار جمشید اقبال چیمہ نے کہا ہے کہ عوام جانتے ہیں کہ مہنگائی کی حالیہ لہر حکومت کی کرپشن ، منی لانڈرنگ یا حکمرانوں کے بچوں کی چوری کی وجہ سے نہیں ہے بلکہ یہ عالمی رجحان ہے جس کے اثرات یہاں بھی پڑے ہیں،ماضی میں غریبوںکی بجائے حکمرانوں او ران کے امیر دوستوں کو سبسڈی دی گئی لیکن ہم نے اس روایت کو توڑاہے ،موجودہ حکومت دو کروڑگھرانوں کے 10کروڑافرادکواشیائے خوردونوش پر سبسڈی دینے کا پروگرام شروع کررہی ہے ۔

حلقہ این اے133کے ضمنی انتخاب کے سلسلہ میں منعقدہ ورکرز کنونشن سے خطاب کرتے ہوئےانہوں نے کہا کہ مریم صفدر اداروں کودبائو میں لانے کے لئے ان پر حملے کرتی ہیں ، عدلیہ اور الیکشن کمیشن پر حملہ آور ہوتی ہیں ، مریم صفدرنے یہاں تک کہا کہ میرے خاوندکی کوئی تنخواہ نہیں، ہم یہی تو پوچھ رہے ہیں کہ آپ کے پاس مختلف مقامات پر 600ایکڑ اراضی کہاں سے آئی ہے ،ایک ایکٹراراضی کی قیمت500کروڑروپے ہے، جن شوگرملوں نے کسانوں کے پیسے نہیں دئیے وہ یا تو شریف خاندان یا ان کے قریبی دوستوں کی ہیں، جتنے قبضہ گروپ ہیں ان میں سے اکثریت مریم صفدر کے فرنٹ مین ہیں ۔

(جاری ہے)

جمشیداقبال چیمہ نے کہاکہ پاکستان کی جو مقامی پیداوار ہیں ان کی قیمتیں بالکل بھی نہیں بڑھیں ،جواشیائے خوردونوش درآمدہوتی ہیں ان کی قیمتوں میں اضافے کا عالمی رجحان ہے لیکن ہم اس پر سبسڈی دے کر انہیں بھی کم کرنے جارہے ہیں۔ انہوں نے کہاکہ حلقہ این اے 133کے ضمنی انتخاب میں پاکستان تحریک انصاف کامیابی حاصل کرے گی اور اس کے لئے ہم سب نے بھرپور محنت کرنی ہے ۔

لاہور شہر میں شائع ہونے والی مزید خبریں:

Your Thoughts and Comments