الیکشن کمیشن کی این اے 133میں ضمنی انتخاب ملتوی کرنے کی خبروں کی تردید

حلقے میں ضمنی انتخاب اپنے شیڈول کے مطابق 5دسمبر کو ہی ہوگا ‘ صوبائی الیکشن کمشنر اسرار خان

منگل 30 نومبر 2021 11:30

لاہور(اُردو پوائنٹ اخبارتازہ ترین - این این آئی۔ 30 نومبر2021ء) صوبائی الیکشن کمیشن نے حلقہ این اے 133میں ضمنی انتخاب کو ملتوی کرنے کی خبروں کی تردید کرتے ہوئے کہا ہے کہ حلقے میں ضمنی انتخاب اپنے شیڈول کے مطابق 5دسمبر کو ہی ہوگا ۔

(جاری ہے)

صوبائی الیکشن کمشنر غلام اسرار خان نے ووٹوں کی خرید و فروخت کی ویڈیوز سامنے آنے پر ضمنی انتخاب ملتوی کرنے کی اطلاعات کی تردید کرتے ہوئے کہا کہ این اے 133کے ضمنی انتخاب کے لئے تمام تیاریاں مکمل ہیں۔

سکیورٹی سمیت دیگر انتظامات کو حتمی شکل دی جارہی ہے اس لئے ضمنی انتخاب ملتوی ہونے کا سوال ہی پیدا نہیں ہوتا۔ صوبائی الیکشن کمشنر غلام اسرار خان کی جانب سے کہا گیا ہے کہ مبینہ ویڈیوز کی تحقیقات جاری ہیں،فرانزک کی جائے گی اور ذمہ داروں کو بے نقاب کر کے قانون کے مطابق سزا دی جائے گی ۔

لاہور شہر میں شائع ہونے والی مزید خبریں:

Your Thoughts and Comments