اوورسیز پاکستانیز کے مفادات کا تحفظ ہر صورت یقینی بنایا جا رہا ہے‘وائس چیئر پر سن مخدوم سید طارق محمود الحسن

وزیر اعلی پنجاب کی رہنمائی میں سمندر پار پاکستانیوں کے حقوق کے تحفظ، عدل و انصاف کی فراہمی کیلئے اقدامات کیے جا رہے ہیں

منگل 18 جنوری 2022 15:14

لاہور(اُردو پوائنٹ اخبارتازہ ترین - این این آئی۔ 18 جنوری2022ء) وائس چیئر پرسن اوورسیز پاکستانیز کمیشن پنجاب مخدوم سید طارق محمود الحسن نے کہا ہے کہ اوورسیز پاکستانیز کے مفادات کا تحفظ ہر صورت یقینی بنایا جا رہا ہے۔انہوں مزید کہا کہ وزیر اعلی پنجاب سردار عثمان خان بزدار کی رہنمائی میں سمندر پار پاکستانیوں کے حقوق کے تحفظ، عدل و انصاف کی فراہمی اور فلاح بہود کیلئے انتہائی سنجیدہ اور علمی اقدامات کیے جا رہے ہیں۔

انہوں نے واضح کیا کہ بیرون ممالک میں مقیم پاکستانیز وطن عزیز کیلئے زر مبادلہ کی صورت میں گرانقدر خدمات سرانجام دے رہے ہیں۔ان خیالات کا اظہار انہوں نے اوورسیز پاکستانیز کمیشن کے ویب پورٹل پر پیش کی جانے والی شکایات کے حل کے حوالے سے منعقدہ اجلاس کی صدرات کرتے ہوئے کیا۔

(جاری ہے)

اجلاس میں کمشنر او پی سی سید خادم عباس، ڈائریکٹر جنرل او پی سی عشرت اللہ خان نیازی، ڈائریکٹر پولیس امتیاز احمد علی ڈائریکٹر ایڈمن تنویر ماجد، ڈائریکٹر لیگل راجہ زبیر، ڈائریکٹر ریونیو ذولفقار بھون، ڈپٹی ڈائریکٹر ز اور دیگر ڈیلنگ افسران بھی شریک تھے۔

اجلاس کو بتایا گیا کہ اوورسیز پاکستانیز کمیشن کے ویب پورٹل پر اب تک پیش کی جانے والی93 278 شکایات میں سے 17335 کا ازالہ کیا جا چکا ہے اورزیادہ ترشکایات محکمہ پولیس،محکمہ ریونیو، ہاسنگ سکیمز، ایل ڈی اے اور محکمہ تعلیم سے متعلق تھیں۔اجلاس میں اوورسیز پاکستانیوں کو درپیش مسائل کے جلد حل کو یقینی بنانے اور او پی سی پنجاب کی کارگردگی کو مزید بہتر بنانے کے حوالے سے بھی اہم فیصلے کیے گئے۔

وائس چیئر پرسن مخدوم سید طارق محمود الحسن نے تمام ڈیلنگ افسران کو ہدایت کی کہ اوورسیز پاکستانیز کی طرف سے پیش کی جانے والی جائزاور حقیقی شکایات کا فوری طور پر اور بلاتاخیر ازالہ کیا جائے اور سمندر پار پاکستانیوں کی جائیدادوں پر ناجائز قابضین اور فراڈ مافیا کے خلاف گرینڈ آپریشن میں مزید تیزی لائی جائے۔انہوں نے کہا کہ وزیراعلی پنجاب بیرون ملک بسنے والے پاکستانیوں کے مسائل کے حل کو بڑی اہمیت دے رہے ہیں یہی وجہ ہے کہ اوورسیز پاکستانیز کمیشن پنجاب کے موثر اقدامات کی بنا پر ان کے مسائل تیزی سے حل ہو رہے ہیں۔

متعلقہ عنوان :

لاہور شہر میں شائع ہونے والی مزید خبریں:

Your Thoughts and Comments