)وزیراعلیٰ پنجاب کی وزیر اعظم عمران خان کے بارے میںغیر شائستہ الفاظ استعمال کرنے پر مریم اورنگزیب کے بیان کی مذمت

ؒبدتہذیبی اور بد تمیزی مسلم لیگ ن کا وطیرہ،مریم اورنگزیب نے اخلاقی پستی کا مظاہرہ کر کے ہرپاکستانی کی دل آزاری کی ہے نازیبا الفاظ پر انہیں قوم سے معافی مانگنی چاہیے ، مسلم لیگ ن اس وقت چور مچائے شور والا راگ الاپ رہی ہے

منگل 25 جنوری 2022 19:00

لاہور (اُردو پوائنٹ اخبارتازہ ترین - آن لائن۔ 25 جنوری2022ء) وزیراعلیٰ پنجاب سردار عثمان بزدارنے وزیر اعظم عمران خان کے بارے میںغیر شائستہ الفاظ استعمال کرنے پر مریم اورنگزیب کے بیان کی مذمت کی ہے ۔وزیراعلیٰ نے کہا کہ بدتہذیبی اور بد تمیزی مسلم لیگ ن کا وطیرہ رہا ہے - مسلم لیگ ن کے رہنما ماضی میں سابق وزیر اعظم بے نظیر بھٹو کے خلاف بھی غیر شائستہ الفاظ استعمال کرتے رہے۔

(جاری ہے)

مریم اورنگزیب نے اخلاقی پستی کا مظاہرہ کر کے ہرپاکستانی کی دل آزاری کی ہے اور ثابت کیا ہے کہ مسلم لیگ ن میں اخلاقی، سیاسی و جمہوری اقدار کا کوئی وجود نہیں - نازیبا الفاظ پر انہیں قوم سے معافی مانگنی چاہیے - کوئی بھی شائستہ یا باوقار شخص ایسے الفاظ کا چناؤ نہیں کر سکتا -انہوںنے کہا کہ مسلم لیگ ن اس وقت چور مچائے شور والا راگ الاپ رہی ہی- وزیر اعظم عمران خان کروڑوں پاکستانیوں کے لیڈر ہیںاور پاکستانی عوام وزیر اعظم عمران خان سے دلی محبت رکھتے ہیں-