این سی اے میں ماسٹر آف ویژول آرٹ ڈگری شو2021کا آغاز

ہفتہ 29 جنوری 2022 00:14

لاہور (اُردو پوائنٹ اخبارتازہ ترین - آن لائن۔ 28 جنوری2022ء) نیشنل کالج آف آرٹس کے شعبہ ماسٹر آف ویژول آرٹ کی20ویں ڈگری شوکی افتتاحی تقریب این سی اے ٹولنٹن بلاک میںمنعقد کی گئی ماسٹر آف ویژول آرٹ کے ڈگری شو کو فنون لطیفہ سے دلچسپی رکھنے والے افراد کی کثیر تعداد نے دیکھا اور شومیں رکھے گئے فن پاروں کو بے حد سراہا ۔ اس سال ماسٹر آف ویژول آرٹ کے ڈگری شو میں 13طالب علموںکے فن پارے نمائش کے لئے پیش کیے گئے ہیں۔

ڈگری شو کے اس بیچ میںفاخرہ آصف ، حنا فاطمہ ، عمران احمد ، منصور علی ، ماریہ یاسین ، محمد اسد گلزار ، رابعہ الیاس ، ثنا سعید، شاہینہ ، طارق علی ، افق الطاف، زونیرا سلطان اور زینب عزیزشامل ہیں۔ماسٹر آف ویژول آرٹ ڈگری شو2021کے حوالے سے وائس چانسلر نیشنل کالج آف آرٹس پروفیسر ڈاکٹر مرتضیٰ جعفری کا کہنا تھا کہ یہ ایک منفرد ڈگری شو ہے۔

(جاری ہے)

جس میں پوسٹ گریجویٹ کے طلبا و طالبات کی بھرپور تخلیقی صلاحیتیں دیکھنے کو ملتی ہیںاور اس میں طالب علم آرٹ کے ہر میڈیم کا استعمال کرتے ہیں۔ جو دلچسپ اورآرٹ کے جدید پہلوئوں سے بھرپور ہوتا ہے۔ اس موقع پر وائس چانسلر این سی اے نے ڈگری شو کی تیاری کے لئے طلبہ و طالبات کی بھر پورمحنت کو سراہا۔ ماسٹر آف ویثرول آرٹ ڈگری شو 2021میں این سی اے ایلومنائز ، کالج فیکلٹی اور آرٹ کے شائقین کی کثیر تعداد نے شرکت کی اور ایس او پیز کو مدنظر رکھتے ہوئے سماجی فاصلے کو برقرار کھا گیا