محکمہ خوراک نے آٹے کی بلیک مارکیٹنگ میں ملوث 8آٹا ڈیلرز کے لائسنس معطل کردئیے

جمعہ 10 فروری 2023 17:37

رائے ونڈ (اُردو پوائنٹ اخبارتازہ ترین - این این آئی۔ 10 فروری2023ء) رائے ونڈ میں محکمہ خوراک نے کارروائی کرتے ہوئے آٹے کی بلیک مارکیٹنگ میں ملوث 8آٹا ڈیلرز کے لائسنس معطل کردئیے ۔

(جاری ہے)

تفصیلات کے مطابق ڈسٹر کٹ فوڈ کنٹرولر مظہر حسین بلوچ نے رائے ونڈ میں آٹے کی مصنوعی قلت اور بلیک مارکیٹنگ میں ملوث 8آٹا ڈیلرز کے خلاف کارروائی کرتے ہوئے انکے لائسنس معطل کردئیے ہیں اور تمام فلور ملز کو ہدایت جاری کردی ہے کہ مذکورہ آٹا ڈیلرز کو آٹے کی فراہمی بند کر دے ،مظہر حسین بلوچ کا کہنا ہے کہ تحصیل رائے ونڈ میں ایک لاکھ آٹے کا تھیلا یومیہ فراہم کیا جارہا ہے لیکن کچھ لالچی اور ذخیرہ اندوز آٹا ڈیلرز عوام کو سستا آٹا نہیں دے رہے اور اپنے گوداموں میں آٹا چھپا کررکھ لیتے ہیں انکے خلاف محکمہ خوراک کی ٹیمیں حرکت میں آچکی ہیں رائے ونڈ شہر میں ٹیمیں گشت کررہی ہیں سبسڈائزڈ آٹے کی فراہمی کو یقینی بنانے کیلئے خصوصی اقدامات کئے گئے ہیں رائے ونڈ شہر کے 8آٹا ڈیلرز کے خلاف مسلسل شکایات موصول ہو رہی تھیں جو عوام کو سستا آٹا فراہم نہیں کررہے تھے انکے خلاف کارروائی کرتے ہوئے انکے لائسنس معطل کردئیے گئے ہیں ۔