انٹرنیشنل ختم نبوت موومنٹ کے مرکزی قائدین کا چوہدری محمد سرور کے انتقال پراظہار تعزیت

منگل 21 جنوری 2025 23:20

لاہور (اُردو پوائنٹ اخبارتازہ ترین - اے پی پی۔ 21 جنوری2025ء) انٹرنیشنل ختم نبوت موومنٹ کے مرکزی قائدین نے چوہدری محمد سرور کے انتقال پراظہار تعزیت کیا ہے۔منگل کو یہاں جاری تعزیتی بیان میں انٹر نیشنل ختم نبوت موومنٹ ورلڈ کے مرکزی امیر مولانا ڈاکٹر سعید احمد عنایت اللہ،ورلڈ مرکزی سیکرٹری جنرل مولانا ڈاکٹر احمد علی سراج، نائب امیرمولانا عبدالرئوف مکی، مولانا محمد الیاس چنیوٹی ایم پی اے،صاحبزادہ مولانا زاہد محمود قاسمی،معاون خصوصی امیر مرکزیہ مولانا محمد بن سعید، مرکزی ترجمان مولانا مجیب الرحمن، مولانا قاری محمد طیب عباسی، مولانا محمدامداد اللہ قاسمی، مولانا قاری شبیراحمد عثمانی،مولانا قاری محمد رفیق وجھوی،مولانا افتخاراللہ شاکر اور مولانا غلام یاسین صدیقی نے انٹرنیشنل ختم نبوت برطانیہ کے نائب امیراورمرکزی جامع مسجد برمنگھم کے نائب صدرالحاج چوہدری محمد سرور کی وفات پر اظہار تعزیت کرتے ہوئے کہا کہ مرحوم سچے عاشق رسول اور محافظ ختم نبوت تھے ان کی تمام زندگی عقیدہ ختم نبوت کے تحفظ، مساجد و مدارس کی تعمیروترقی،ختم نبوت کانفرنسوں کے انتظام و اہتمام، علماصلحا کی میزبانی اور انسانیت کی خدمت میں گزری،مرحوم نیک سیرت انسانیت دوست اور نیکی و خیر کے کاموں میں بڑھ چڑھ کر حصہ لینے والے عظیم انسان تھے۔

(جاری ہے)

انہوں نے دعا کی کہ اللہ تعالی مرحوم کو جنت الفردوس میں اعلی مقام اورلواحقین کو صبر جمیل اور سکون عطا فرمائے۔

متعلقہ عنوان :

لاہور میں شائع ہونے والی مزید خبریں