پنجاب بھرمیں 1262ٹریفک حادثات میں 24افراد جاں بحق1514،زخمی ہوئے

لاہور (اُردو پوائنٹ اخبارتازہ ترین - اے پی پی۔ 20 مارچ2025ء) پنجاب بھرمیں 1262ٹریفک حادثات میں 24افراد جاں بحق1514زخمی ہوئے ہیں، ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1262ٹریفک حادثات پر ریسپانڈ کیا جن میں 695افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔725معمولی زخمی لوگوں کو ریسکیو میڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

(جاری ہے)

ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 852ڈرائیوز،65کم عمرڈرائیور، 528مسافراور158پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ226ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت287متاثرین کے ساتھ پہلے،فیصل آباد95حادثات میں 125متاثرین کے ساتھ دوسر ے، ملتان 78حادثات میں 89متاثرین کے سا تھ تیسرے نمبرپررہا۔