سپاہی مقبول حسین کی زندگی پر ڈرامہ’’وطن کا شیدائی‘‘ کل راولپنڈی آرٹس کونسل میں پیش کیا جائے گا

جمعہ 12 اکتوبر 2018 16:56

لاہور (اُردو پوائنٹ اخبارتازہ ترین - این این آئی۔ 12 اکتوبر2018ء) راولپنڈی آرٹس کونسل 1965کی جنگ کے ہیرو سپاہی مقبول حسین کی زندگی پر مبنی ڈرامہ ’’ وطن کا شیدائی‘‘ کل بروز ہفتہ، 13اکتوبر، شام 6 بجے راولپنڈی آرٹس کونسل میں پیش کیا جائے گا۔ صوبائی وزیر اطلاعات و ثقافت پنجاب فیاض الحسن چوہان اس موقع پر مہمان خصوصی ہونگے۔ ڈرامہ ناہید منظور نے لکھا ہے ۔

(جاری ہے)

سپاہی مقبول حسین کو 1965کی جنگ میں ہندوستان کی فوج نے قید کر لیا اور وہ 40سال ہندوستان کے قید خانوں میں تشدد اور صعوبتیں برداشت کرتے رہے مگر انہوںنے ملک کے راز اگلنے سے انکار کر دیا اور بلند آواز میں ’’پاکستان زندہ آباد‘‘ کے نعرے لگاتے رہتے۔ ان کے اس جذبہ حب الوطنی کو ہندوستان کے حکام برداشت نہ کرسکے اور انہوںنے سپاہی مقبول حسین کی زبان بے دردی سے کاٹ دی۔ سپاہی مقبول حسین کو ہندوستان کے حکام نے 2015میں رہا کر دیا اور رہائی کے بعد سپاہی مقبول حسین اپنی یونٹ میں واپس آئے اور یونٹ کمانڈ ر کو سلوٹ کیا اور کاغذ پر پیٹی نمبر 335139لکھا جس سے ان کی شناخت ہوئی ۔