گلوکارہ رابی پیرزادہ کے ٹویٹ نے دھوم مچا دی

’’انڈیا آئی ٹی میں ترقی کررہاہے ہم جے آئی ٹی میں‘‘گلورہ کارہ کی اس ٹویٹ پر دلچسپ تبصرے

بدھ 23 جنوری 2019 12:06

گلوکارہ رابی پیرزادہ کے ٹویٹ نے دھوم مچا دی

لاہور(اُردو پوائنٹ اخبارتازہ ترین - این این آئی۔ 23 جنوری2019ء) معروف گلوکارہ و اداکارہ رابی پیرزادہ سوشل میڈیا پر بہت متحرک رہتی ہیں اور اپنی پیشہ وارانہ مصروفیات بتانے کے ساتھ ساتھ عوامی ایشوز پر بھی گاہے بگاہے اظہار خیال کرتی رہی ہیں ،اب انہوں نے مائیکرو بلاگنگ ویب سائٹ پر ایک ایسی ٹویٹ کی ہے جو خوب وائرل ہو رہی ہے جبکہ اس ٹویٹ پر تبصروں کا سلسلہ بھی شروع ہو چکا ہے۔

(جاری ہے)

تفصیلات کے مطابق مائیکرو بلاگنگ ویب سائٹ ’’ٹویٹر ‘‘ پر معروف گلوکارہ رابی پیرزادہ نے ہلکے پھلکے انداز میں ایک ٹویٹ کرتے ہوئے کہا کہ کہ ’’انڈیا آئی ٹی میں ترقی کررہاہے ہم جے آئی ٹی میں‘‘۔رابی پیر زادہ کے اس ٹویٹ کے بعد سوشل میڈیا صارفین نے تبصروں کا دلچسپ سلسلہ شروع کر دیا ہے۔رضوان نامی سوشل میڈیا صارف رابی پیر زادہ کے اس ٹویٹ پر خوش نظر نہیں آئے اسی لئیان کا کہنا تھا کہ ’’ہم یہاں خوش ہیں ، آپ وہاں جا سکتی ہیں۔ایک اور ابو سدیس نامی صارف کا کہنا تھا کہ ’’ہاہاہا رابی بہت ہی عمدہ مگر سوچنے والی بات بس بدقسمتی سے غلامی کادور ختم نہیں ہوتا کبھی کرپٹ حکمرانوں کی تو کبھی کرپٹ بیوریکرٹس کی بس سوچ اور فکر اور جدوجہد سے دوری کانتیجہ ہے یہ سب‘‘-