بین الاقوامی فیسٹیول میں اداکارہ عائشہ عمر کو پاکستان کی نمائندگی مہنگی پڑگئی،

غیر اخلاقی لباس پر شائقین کی شدید تنقید

ہفتہ 21 ستمبر 2019 20:32

بین الاقوامی فیسٹیول میں اداکارہ عائشہ عمر کو پاکستان کی نمائندگی مہنگی پڑگئی،

لاہور(اُردو پوائنٹ اخبارتازہ ترین - آن لائن۔ 21 ستمبر2019ء) اداکارہ عائشہ عمر کو بین الاقوامی فیسٹیول میں پاکستان کی نمائندگی کرنا مہنگی پڑگئی۔گزشتہ روز اداکارہ عائشہ عمر نے سماجی رابطے کی ویب سائٹ انسٹاگرام پر اپنی تصویر شیئر کی جس میں وہ بین الاقوامی فیسٹیول میں پاکستان کی نمائندگی کرتی نظر آرہی ہیں، انہوں نے تصویر میں جو لباس زیب تن کیا ہوا ہے اس میں انہوں نے رلی کی چولی پہنی ہوئی ہے اور ساتھ میں جناح کیپ پہنی ہوئی، تصویر میں اداکارہ سائیکل پر بیٹھی ہوئی ہیں اور پاکستان کا جھنڈا بھی لگایا ہوا ہے۔

عائشہ عمر نے اپنی یہ تصویر شیئر کرتے ہوئے کیپشن میں لکھا کہ میں، میراجھنڈا اور میری سائیکل، رلی پرنٹ کی چولی اور جناح کی ٹوپی نے فیسٹیول میں آئے لوگوں کو بے حد متاثر کیا ہے اور ہر ایک نے رک کر مجھ سے پوچھا کہ آپ کون سے ملک سے ہو ۔

(جاری ہے)

انہوں نے لکھا کہاس شام میں ایک انتہائی فخرِ پاکستانی تھی اور مجھے خود پر بہت فخر ہورہا تھا، وہاں کے لوگوں نے میرے منفرد لباس کو بیحد پسند کیا۔

انہوں نے کہا کہ بہت سارا پیار میرے ساتھی آرٹسٹ کیلئے جنہوں نے اِس لباس کو ڈیزائن کرنے میں میری مدد کی۔عالمی سطح پر پاکستان کی نمائندگی میں اِ س طرح کے غیر اخلاقی لباس نے عائشہ عمر کے مداحوں کو ان پر تنقید کرنے پر مجبور کردیا ہے۔ سویرا احمد نامی صارف نے عائشہ عمر کی تصویر پر کمنٹ کیا کہکوئی اِس کو سیدھا راستہ دِکھا۔