اُردو پوائنٹ پاکستان لاہورلاہور کی خبریںپوجا بھٹ نے سال نو کی خوشیاں علی عظمت کے گھر منائیں لاہور میں بالی ووڈ ..

پوجا بھٹ نے سال نو کی خوشیاں علی عظمت کے گھر منائیں

لاہور میں بالی ووڈ اداکارہ نے نئے سال کا کیک کاٹا، چٹ پٹے کھانوں کا مزا بھی لیا

لاہور(اُردو پوائنٹ اخبارتازہ ترین۔ 01 جنوری2017ء)بالی وڈ کی معروف اداکارہ وفلم میکر پوجا بھٹ نے اپنی زندگی میں پہلی مرتبہ نئے سال کوخوش آمدید کہنے کے لیے منعقدہ تقریب معروف گلوکارعلی عظمت کے گھران کے اہلخانہ کے ساتھ منائی۔ اس موقع پرانھوں نے جہاں نئے سال کا کیک کاٹا، وہیں فیملی اورقریبی دوستوں کے ہمراہ چٹ پٹے کھانوں سے مزے بھی اڑائے۔

(خبر جاری ہے)

ذرائع سے معلوم ہواہے کہ نیوائیرکی مختصراور سادہ تقریب میں علی عظمت صادق آباد میں ہونے کی وجہ سے شریک نہ ہو سکے لیکن ان کی اہلیہ اوربچوں نے بھارتی مہمان کی خوب میزبانی کی۔ ایک طرف سیلفیوں کا سلسلہ جاری رہا تودوسری جانب پاکستان میں گلوکارعلی ظفر، شفقت امانت اوردیگرکی جانب سے پوجابھٹ کونئے سال کی مبارکباد اورنیک تمناؤں کے پیغامات بھی ملتے رہے۔


اپنی رائے کا اظہار کریں -

لاہور شہر کی مزید خبریں