معین علی نے اذان کی آواز سن کر کھیلنا بند کر دیا

ملتان سلطانز کے آل رائونڈر نے جماعت کی امامت کی اور دوبارہ پریکٹس کا آغاز کیا

پیر 24 فروری 2020 22:00

معین علی نے اذان کی آواز سن کر کھیلنا بند کر دیا

!لاہور(اُردو پوائنٹ اخبارتازہ ترین - آن لائن۔ 24 فروری2020ء) لاہور کے قذافی سٹیڈیم میں ملتان سلطانز کے ٹریننگ سیشن کے دوران آل رائونڈرمعین علی نے اذان کی آواز سن کر کھیلنا بند کر دیا ور ایک طرف جا کر کھڑے ہو گئے۔پی ایس ایل کے پانچویں ایڈیشن کا جادو کرکٹ شائقین کے سر چڑھ کر بول رہا ہے اور وہ اپنی اپنی پسندیدہ ٹیم کو میدان میں کھیلتے ہوئے دیکھنے کیلئے بے چین ہیں۔

شائقین کی امیدوں پر پورا اترنے کیلئے کرکٹرز کی جانب سے بھی خوب محنت کی جا رہی ہے۔

(جاری ہے)

قذافی سٹیڈیم ،لاہور میں ملتان سلطانز کے کھلاڑیوں کا ٹریننگ کیمپ جاری تھا کہ ایسے میں ٹریننگ کے دوران اذان کی آواز سنائی دی جس پر باقی کھلاڑیوں نے تو کھیل جاری رکھا مگر معین علی اذان سنتے ہی ایک طرف کھڑے ہو گئے۔معین علی کی ویڈیو سوشل میڈیا پر خوب وائرل ہو رہی ہے جس میں دیکھا جا سکتا ہے کہ معین علی اذان کی آواز سنتے ہی ایک طرف کھڑے ہو گئے اور اذان ختم ہونے کے بعد انہوں نے گراونڈ کے ہی ایک جانب مغرب کی نماز کی امامت کی جس میں مشتاق احمد بھی شریک ہوئے اور دوبارہ کھیل کی جانب لوٹ کر اپنی پریکٹس کا آغاز کیا۔