آصف زرداری سے حساب لیں گے، سندھ میں انقلاب لانے کا آغاز

لاڑکانہ سے کر رہے ہیں،علی زیدی مرادعلی شاہ سندھ کے وزیراعلی نہیں، زرداری کے منشی ہیں،پاکستان کے ایک بڑے ڈاکو کو لندن بھگا دیا گیا، وفاقی وزیر

ہفتہ 22 جنوری 2022 00:22

لاڑکانہ(اُردو پوائنٹ اخبارتازہ ترین - این این آئی۔ 21 جنوری2022ء) وفاقی وزیر برائے بحری امور علی زیدی نے لاڑکانہ کو بھٹو کا شہر قرار دیتے ہوئے کہا ہے کہ آصف زرداری سے حساب لیں گے، سندھ میں انقلاب لانے کا آغاز لاڑکانہ سے کر رہے ہیں،پاکستان کے ایک بڑے ڈاکو کو لندن بھگا دیا گیا۔منعقدہ ورکرز کنونشن سے خطاب کرتے ہوئے پاکستان تحریک انصاف سے تعلق رکھنے والے وفاقی وزیر علی زیدی نے کہا کہ سندھ میں چوہے اربوں روپے کی گندم کھا جاتے ہیں۔

(جاری ہے)

انہوں نے کہا کہ سندھ کے عوام آصف زرداری سے حساب لیں گے۔ ان کا کہنا تھا کہ مرادعلی شاہ سندھ کے وزیراعلی نہیں، زرداری کے منشی ہیں۔علی زیدی نے کہا کہ سندھ میں مہنگائی سب سے زیادہ ہے۔ انہوں نے کہا کہ سندھ میں شاہراہوں اور آبپاشی کے نظام کو تباہ کردیا گیا ہے اور صوبے پر مسلط ٹولے نے ہر طرف تباہی مچائی ہوئی ہے۔انہوں نے کہا کہ ہماری ڈاکوں سے بہت بڑی جنگ ہے۔ ان کا کہنا تھا کہ صوبہ سندھ میں کتے کے کاٹنے کی ویکسین تک نہیں ہے۔پی ٹی آئی سے تعلق رکھنے والے وفاقی وزیر برائے بحری امور علی زیدی نے کہا کہ کراچی میں کچرا تک وفاق اٹھا رہا ہے۔