جائیداد نام نہ کرنے پر بیوی نے شوہر کا گلا کاٹ ڈالا

پولیس نے ملزمہ کو گرفتار کرکے زخمی شوہر کو تشویشناک حالت میں اسپتال منتقل کردیا، ذرائع

دانش احمد انصاری منگل 10 اگست 2021 18:32

جائیداد نام نہ کرنے پر بیوی نے شوہر کا گلا کاٹ ڈالا

منڈی بہاؤ الدین(اُردو پوائنٹ، اخبارتازہ ترین، 10اگست2021) منڈی بہاؤ الدین میں جائیداد کے تنازعے پر بیوی نے سفاکی کی انتہا کر دی، جائیداد نام نہ کرنے پر بیوی نے شوہر کا گلا کاٹ ڈالا۔ تفصیلات کے مطابق بیوی نے جائیداد نام نہ کرنے پر شوہر کا گلا کاٹ ڈالا ، پولیس نے ملزمہ کو گرفتار کرکے زخمی شوہر کو تشویشناک حالت میں اسپتال منتقل کردیا۔پنجاب کے ضلع منڈی بہاالدین میں واقعہ نواحی علاقہ سوہاوہ میں افسوسناک واقعہ پیش آیا ، جہاں بیوی نے جائیداد نام نہ کرنے پر چھری سے شوہر پر قاتلانہ حملہ کردیا۔

واقعے کے بعد پولیس نے ملزمہ کو گرفتار کرلیا اور زخمی شوہر کو تشویشناک حالت میں اسپتال منتقل کردیا ، پولیس کا کہنا ہے کہ ملزمہ کا شوہر سے جائیداد نام کرانے کیلئے جھگڑا رہتا تھا۔

(جاری ہے)

یاد رہے جون میں کراچی میں ایک واقعہ پیش آیا تھا ، جہاں بیوی نے اپنے آشنا کے ساتھ مل کر شوہر کو چھری کے وار سے قتل کردیا تھا۔پولیس حکام کے مطابق خاتون نے شوہر کو قتل کرنے کے بعد لاش پلنگ کے نیچے چھپا دی تھی اور واردات میں استعمال ہونے والی چھری بھی صاف کر کے رکھ دی تھی۔

بعد ازاں پولیس نے لاش کو تحویل میں لینے کے بعد اسے ضابطے کی کارروائی کے لیے جناح اسپتال منتقل کیا، جہاں میڈیکل رپورٹ میں اس بات کی تصدیق ہوئی کہ مقتول کو ذبح کیا گیا ہے۔پولیس نے ملزمہ کو حراست میں لے لیا ، جس نے تفتیش کے دوران اپنے جرم کا اعتراف کیا اور اپنے آشنا کے حوالے سے بھی بتایا تھا۔پولیس نے ملزم کے خلاف مزید کارروائی کا آغاز کر دیا، ملزم کو عدالت کی جانب سے سخت سزا دئیے جانے کا امکان ظاہر کر دیا گیا۔