منچن آباد،خاندانی دشمنی پرجھگڑے سے دو افراد جاں بحق، ایک زخمی،مقدمہ درج ،ملزمان فرار،

منچن آباد(اُردو پوائنٹ اخبارتازہ ترین - این این آئی۔31مارچ۔2015ء ) منچن آبادخاندانی دشمنی پرجھگڑے سے دو افرادجاں بحق ایک زخمی،مقدمہ درج ملزمان فرار،پندرہ سالہ پرانی دشمنی جاگ گئی ،موضع بہاول گڑھ کے رہائشی شیخ اورگھمیسربرادری میں کئی سالوں سے چپقلش چل رہی تھی ،جس کو صلح صفائی کے لئے پنچائتیوں کے سلسلے چل رہے تھے لیکن پنچائت مزید دو افرادکے لئے لقمہ اجل ثابت ہوئی،پنچائت کے دوران تلخ کلامی ہوئی ،امیرعرف امیری کھوجا نے اپنے ساتھیوں کے فائرنگ کردی ،محمد پنوں ولد اللہ دتہ اورمحمد اشرف ہلاک،جبکہ باغ علی کو تحصیل ہیڈکواٹرمنچن آبادزخمی حالت میں لایاگیا،ملزمان کاروائی کے بعد فرار،تفصیلات کے مطابق سابقہ رنجش اورخاندانی دشمنی کو ختم کرنے کے لئے ہونے والی پنچائیتوں نے مزید دوافراد کو موت کے منہ میں دھکیل دیا، شیخ اور گھمیر برادری میں گزشتہ پندرہ برس سے قتل وغارت اور دشمنی کی آگ بھڑک رہی تھی جوکہ کئی افراد کو لقمہ اجل بناکر بھی ٹھنڈی نہ ہوئی تھی،صلح صفائی کے ہونے والی پنچائیتوں میں کوئی صلح کی کوئی صورت نہ بن رہی تھی اوربستی چکوکا میں ہونے والی پنچائیت میں دونوں گروپوں میں کسی بات کو لیکر تلخ کلامی ہوئی اور پنچائت ختم ہونے کے بعدامیرعرف امیری کھوجانے اپنے ساتھیوں کی مددسے مخالفین پر اسلحہ کے فائر کردئے ، محمد پنوں موقع پر ہلا ک ہوگیاجبکہ محمد اشرف ڈسٹرکٹ ہیڈکواٹرہسپتال بہاولنگر لایاگیاجہاں سے بہاولپورریفرکیاگیالیکن زخموں کو تاب نہ لاتے ہوئے راستے میں دم توڑگیا،اور باغ علی تحصیل ہیڈکواٹرمنچن آبادمیں زخمی حالت میں لایاگیا۔