شمالی وزیرستان میں سیکورٹی فورسز کی چیک پوسٹ کے قریب دھماکہ

دھماکہ بارودی سرنگ پھٹنے کے نتیجے میں ہوا، پاک فوج کا جوان ساجد جام شہادت نوش کر گیا، علاقے میں سرچ آپریشن شروع

muhammad ali محمد علی ہفتہ 12 ستمبر 2020 21:21

شمالی وزیرستان میں سیکورٹی فورسز کی چیک پوسٹ کے قریب دھماکہ
میرانشاہ (اردوپوائنٹ اخبارتازہ ترین۔ 12 ستمبر2020ء) شمالی وزیرستان میں سیکورٹی فورسز کی چیک پوسٹ کے قریب دھماکہ، دھماکہ بارودی سرنگ پھٹنے کے نتیجے میں ہوا، پاک فوج کا جوان ساجد جام شہادت نوش کر گیا، علاقے میں سرچ آپریشن شروع۔

(جاری ہے)

پاک فوج کے شعبہ تعلقات عامہ آئی ایس پی آر کی جانب سے فراہم کردہ تفصیلات کے مطابق شمالی وزیرستان کے علاقے میرانشاہ میں پاک فوج کی چیک پوسٹ کے قریب بارودی سرنگ پھٹنے کے نتیجے میں دھماکہ ہوا۔ دھماکہ میرانشاہ بویا روڈ پر ہوا۔ دھماکے کے نتیجے میں پاک فوج کا جواب ساجد جام شہادت نوش کر گیا۔ شہید جوان کی عمر 33 سال تھی۔ دھماکے کے بعد سیکورٹی فورسز نے علاقے میں سرچ آپریشن شروع کر دیا ہے۔ سیکورٹی فورسز نے علاقے کا محاصرہ بھی کر لیا ہے۔

میرانشاہ شہر میں شائع ہونے والی مزید خبریں:

Your Thoughts and Comments