ملتان میں سرکاری ہسپتالوں کے ایم ایس کی میڈیسن مینجمنٹ بارے ٹریننگ کروائی جائے گی ، عمران سکند رسیکرٹری پرائمری سیکنڈری ہیلتھ

منگل 21 ستمبر 2021 14:20

ملتان(اُردو پوائنٹ اخبارتازہ ترین - اے پی پی۔ 21 ستمبر2021ء) ملتان کے  سرکاری ہسپتالوں کے ایم ایس کی میڈیسن مینجمنٹ بارے ٹریننگ کروائی جائے گی۔سیکرٹری پرائمری سیکنڈری ہیلتھ عمران سکندرنےمحکمہ صحت کے اعلی سطحی اجلاس کی صدارت کرتے ہوئے  کہا  کہ اس ٹریننگ میں کورونا کے علاوہ دیگر وبائی امراض پربھی توجہ دی جائے۔۔ عمران سکندرنے مزید کہاکہ ڈینگی سرویلنس، ای پی آئی،انسداد پولیو مہم کی کامیابی کیلئے ہر ممکن کوشش کی جائے۔

(جاری ہے)

انہوں نے کہاکہ 15 تا18 سال کی عمر کے بچوں کی کرونا ویکسینیشن کیلئے محکمہ تعلیم کے ساتھ مل کر کام کیا جائے۔انہوں نے کہا کہ پبلک سروس ڈیلوری بارے شکایات کا کوئی افسر متحمل نہیں ہوسکتا۔سیکرٹری عمران سکندر نے ہدایت کی کہ کورونا  ویکسی نیشن کے اہداف حاصل کرنے کےلئے تمام اقدامات کیے جائیں۔اس موقع پرکمشنرملتان ڈاکٹر ارشاد احمد نے کہا کہ پولیو اور ڈینگی کی روک تھام کیلئے جنگی بنیادوں پر عمل پیرا ہیں اور نو ویکسی نیشن نو سروس کو عملی طور پر نافذ کردیا گیا ہے۔انہوں نے کہاکہ ڈویژن کے کسی مرکز صحت میں ادویات کی کمی نہیں  ہے ۔کمشنرنے کہا کہ صحت بارے ترقیاتی سکیموں میں کمشنر آفس بھرپور معاونت فراہم کر رہا ہے۔

ملتان شہر میں شائع ہونے والی مزید خبریں:

Your Thoughts and Comments