شاہ محمودقریشی کے صاحبزادے کے دعوت ولیمہ میں عمران خان اور جاوید ہاشمی کاٹاکرہ،عمران خان تقریب ادھوری چھوڑ کر پنڈال سے روانہ ہوگئے ،کھانا بھی نہیں کھایا ،کھانا جہانگیرترین کی رہائشگاہ پرکھایا

اتوار 14 جنوری 2018 19:45

ملتان(اُردو پوائنٹ اخبارتازہ ترین - آئی این پی۔ 14 جنوری2018ء) شاہ محمودقریشی کے صاحبزادے کے دعوت ولیمہ میں چئیرمین پی ٹی آئی عمران خان اور سینئرسیاستدان مخدوم جاوید ہاشمی کا آمنا سامنا ہوگیا،عمران خان تقریب ادھوری چھوڑ کر پنڈال سے روانہ ہوگئے ،کھانا بھی نہیں کھایا ،میڈیا رپورٹس کے مطابق شاہ محمودقریشی کے صاحبزادے زین قریشی کے دعوت ولیمہ میں چئیرمین پی ٹی آئی عمران خان اور سینئرسیاستدان مخدوم جاوید ہاشمی سمیت سیاسی شخصیات نے کثیرتعداد میں شرکت کی،ایک موقع پر چئیرمین پی ٹی آئی عمران خان اور سینئرسیاستدان مخدوم جاوید ہاشمی کا آمنا سامنا ہوگیا جس پر عمران خان تقریب ادھوری چھوڑ کر پنڈال سے روانہ ہوگئے،عمران خان نے کھانابھی نہیں کھایا،ملتان میں جہانگیرترین کی رہائش گاہ پر کھانا کھایا،قبل ازیں عمران خان اور جہانگیر ترین علیم خان کے ہمراہ خصوصی طیارے سے اسلام آباد سے ملتان اڑھائی بجے پہنچے ائیر پورٹ پر ایم این اے ملک عامر ڈوگر نے اپنے ساتھیوں کے ہمراہ ان کا استقبال کیا اور انہیں بھاری سیکیورٹی میں پنڈال میں لایا گیا جیسے ہی عمران خان پنڈال میںپہنچے تو شرکاء نے ان کا شاندار استقبال کیا اور ان کے نعرے لگائے اس موقع پر نوجوانوں کی بڑی تعداد نے عمران خان کے ساتھ سیلفیاں بنانے اور ہاتھ ملانے کی کوشش کی جس کی وجہ سے دھکم پیل ہو تی رہی۔