پولیس شہدا کے بچے ہمارے لئے قابل احترام ہیں۔ سی پی او

پیر 28 نومبر 2016 23:22

ملتان ۔28نومبر(اُردو پوائنٹ اخبارتازہ ترین - اے پی پی۔ 28 نومبر2016ء) سٹی پولیس آفیسر ملتان محمد احسن یونس شہید اقبال کے گھر گئے اور بچوں مدثر اقبال، مبشر اقبال، منور اقبال اور بیٹی زہراء اقبال کو سکول کیلئے تیار کروا کے ان بچوں کو اپنی گاڑی میں بٹھایا،گاڑی خود ڈرائیو کر کے سکول لے کر آئے۔اور دوسرے شہید منیر احمد کے گھر گئے اور ان کے بچوں عبدالمقیت ،بیٹی حفظہ اور ابیھا کو اپنی گاڑی میں بٹھا کر سکول چھوڑا۔

(جاری ہے)

سکول میں بچوں کا پولیس بینڈ نے پر تپاک طریقے سے استقبال کیا۔ سی پی اوسکول میں بچوں کے ساتھ اسمبلی میں شامل ہوئے اور بچوں کو سٹیج پر بلا کر ان کی حوصلہ افزائی کی ۔سٹی پولیس آفیسر ملتان نے کہا کہ پولیس کے شہداء اور ان کے بچے ہمارے لئے قابل احترام ہیں۔شہداء نے اپنی جان کا نذرانہ دیکر ملک و قوم کے آنے والے کل کو روشن کیا ہے۔ شہید کبھی مرتا نہیں ہے ۔شہید ہمیشہ زندہ رہتا ہے۔سٹی پولیس آفیسر ملتان کے ہمراہ ایس پی گلگشت، اے ایس پی نیو ملتان،ڈی ایس پی ہیڈ کوارٹر، ڈی ایس پی شبینہ کریم، لائن آفیسر اور ریزرو انسپکٹر شامل تھے۔