نیویارک کے علاقے مین ہٹن کے ایک اپارٹمنٹ میں آگ لگ گئی ،ْکسی جانی نقصان کی اطلاع نہیں ملی

ہفتہ 18 نومبر 2017 14:31

نیویارک (اُردو پوائنٹ اخبارتازہ ترین - این این آئی۔ 18 نومبر2017ء) امریکی شہر نیویارک کے علاقے مین ہٹن کے ایک اپارٹمنٹ میں آگ لگ گئی تاہم کسی قسم کے جانی نقصان کی اطلاع موصول نہیں ہوئی۔مین ہٹن کے علاقے میں واقع ایک اپارٹمنٹ میں آگ اچانک بھڑک اٹھی، جس کے نتیجے میں اٹھنے والے دھویں کے بادل دور دور تک دیکھے گئے۔

(جاری ہے)

مقامی پولیس اور فائر بریگیڈ کا عملہ فوری طور پر آگ لگنے کے مقام پر پہنچا اور حفاظتی اور آگ بجھانے کے اقدامات شروع کردئیے گئے ،ْفوری طور پر آگ لگنے کی وجہ معلوم نہیں ہوسکی اور نہ ہی کسی شخص کے زخمی ہونے کی اطلاع ملی ،ْجس عمارت میں آگ لگی وہ 6 منزلہ ہے،عمارت کی پہلی منزل پر اسٹورز اور دوسری سے چھٹی منزل پر رہائشی اپارٹمنٹس واقع ہیں۔

غیر ملکی میڈیاکے مطابق 170 سے زائد فائر فائٹرز آگ بجھانے کی کارروائیوں میں مصروف ہیں، تاہم تیز ہوا کی وجہ سے انہیں ا?گ بجھانے میں مشکلات کا سامنا کرنا پڑا۔