امریکا پاکستان اور بھارت کے درمیا ن حالیہ کشیدگی کا خاتمہ چاہتا ہے،ڈونلڈ ٹرمپ

پاکستان سے تعلقات انتہائی کم وقت میں بہت زیادہ بہتر ہوئے ہیں جلد پاکستانی قیادت سے ملاقات متوقع ہے، امریکی صدرکی میڈیا سے گفتگو

ہفتہ 23 فروری 2019 19:56

امریکا پاکستان اور بھارت کے درمیا ن حالیہ کشیدگی کا خاتمہ چاہتا ہے،ڈونلڈ ٹرمپ

واشنگٹن(اُردو پوائنٹ اخبارتازہ ترین - آن لائن۔ 23 فروری2019ء) امریکی صدر ڈونلڈ ٹرمپ نے پاکستان اور بھارت کے درمیان صورتحال کو انتہائی خطرناک قرار دیتے ہوئے کہا ہے کہ امریکا پاکستان اور بھارت کے درمیا ن حالیہ کشیدگی کا خاتمہ چاہتا ہے۔غیر ملکی خبر رساں ادارے کے مطابق ڈونلڈ ٹرمپ نے وائٹ ہاؤس میں میڈیا نمائندگان سے گفتگو کرتے ہوئے پلوامہ واقعے کی مذمت کی۔

امریکی صدر نے کہا کہ پاکستان اور بھارت کے درمیان خطرناک صورتحال پیدا ہوگئی ہے اور ہم اسے روکنا چاہیں گے۔

(جاری ہے)

ڈونلڈٹرمپ کا کہنا تھا کہ جو کچھ بھی ہوا ہے اس سے اس وقت پاکستان اور بھارت کے درمیان کافی مسائل ہیں اور جب سے پلوامہ حملے میں 41 بھارتی فوجی ہلاک ہوئے اس کے بعد دونوں جوہری طاقتوں کے درمیان کشیدگی میں اضافہ ہوگیا ہے۔امریکی صدر نے مزید کہا کہ بھارت کسی سخت ردعمل پر غور کررہا ہے کیونکہ اسے پلوامہ حملے میں تقریباً 50 افراد کا جانی نقصان ہوا جسے ہم سمجھ سکتے ہیں۔

ڈونلڈ ٹرمپ نے کہاکہ امریکا خطے میں کشیدگی کا خاتمہ چاہتا ہے۔پاک امریکا تعلقات پر بات کرتے ہوئے امریکی صدر کا کہنا تھا کہ پاکستان سے تعلقات انتہائی کم وقت میں بہت زیادہ بہتر ہوئے ہیں اور پاکستانی قیادت سے جلد ملاقات متوقع ہے…… … 02-19/--02