ایغورمسلمانوں کے حقوق کی پامالی‘امریکی کانگریس میںچین کیخلاف قانونی بل منظور

امریکہ کے اس اقدام سے دونوں بڑی طاقتوں کے درمیان تعلقات کی کشیدگی میں مزید شدت آ ئے گی

جمعہ مئی 10:25

واشنگٹن (اُردو پوائنٹ اخبارتازہ ترین - این این آئی۔ 29 مئی2020ء) امریکی کانگرس نے ایک قانونی بل منظور کیا ہے۔ یہ قانون اٴْن چینی ذمے داران پر پابندیاں عائد کرتا ہے جن پر شنکیانگ صوبے میں ایگور مسلمان اقلیت کے خلاف حقوق کی پامالیوں کا الزام ہے۔ بالخصوص اٴْن ’’اجتماعی گرفتاریوں‘‘ کے سبب جو اس مسلم اقلیت کے افراد کے خلاف عمل میں آئیں۔ایوان نمائندگان میں ’’انسانی حقوق کا قانون برائے ایغور‘‘ کے بل کے حق میں 413 ووٹ اور مخالفت میں صرف ایک ووٹ آیا۔

اس سے قبل امریکی سینیٹ رواں ماہ کے وسط میں متفقہ طور پر اس بل کو منظور کر چکی ہے۔یہ بل اب دستخط کے لیے صدر ڈونلڈ ٹرمپ کے سامنے پیش کیا جائے گا۔ اس کے بعد وہ نافذ العمل ہو جائے گا۔ غالب گمان ہے کہ اس اقدام سے دنیا کی دو سب سے بڑی طاقتوں کے درمیان تعلقات کی کشیدگی میں مزید شدت آ جائے گی۔

(جاری ہے)

ٹرمپ نے منگل کے روز یہ کہنے پر اکتفا کیا تھاکہ ہم اس معاملے کو قریب سے دیکھ رہے ہیں۔

اس طرح قانونی بل کے بعد امریکی صدر کے آئندہ اقدام کے حوالے سے ابہام میں اضافہ ہو گیا۔امریکی صدر کی جانب سے قانونی بل پر دستخط سے انکار کر دینے کی صورت میں وہ اپنا ویٹو کا حق استعمال کرتے ہوئے اسے دوبارہ سے کانگرس بھیج دیں گے۔ وہاں اس قانونی بل پر پھر سے رائے شماری کی جا سکتی ہے۔ رائے شماری میں دو تہائی ارکان کی اکثریت کی حمایت حاصل ہونے پر صدارتی ویٹو ختم ہو جائے گا۔ٹرمپ کی جانب سے اس قانون کی منظوری کی صورت میں چین کا غضب آسمانوں کو چٴْھولے گا۔ یاد رہے کہ چین نے گذشتہ برس دسمبر میں دھمکی دی تھی کہ اگر اس قانون نے جنم لیا تو امریکا کو اس کی قیمت چکانا ہو گی۔

مری شہر میں شائع ہونے والی مزید خبریں:

Your Thoughts and Comments