امریکا میں کورونا کے کیسز میں اضافہ،83ہزارنئے مریضو ں کی تصدیق

امریکی سرجن جنرل نے اسپتالوں میں داخل ہونے والے مریضوں کی تعداد بڑھنے پر تشویش کا اظہارکردیا

ہفتہ اکتوبر 16:00

واشنگٹن (اُردو پوائنٹ اخبارتازہ ترین - این این آئی۔ 24 اکتوبر2020ء) امریکا میں کورونا وائرس کے کیسز کم ہوتے دکھائی نہیں دے رہے۔ گزشتہ روز 83 ہزار 10نئے مریضوں میں وائرس کی تشخیص ہوئی۔امریکی سرجن جنرل نے اسپتالوں میں داخل ہونے والے مریضوں کی تعداد بڑھنے پر تشویش کا اظہار کیا ہے۔

(جاری ہے)

جبکہ شرح اموات میں کمی سے متعلق ان کا کہنا تھا کہ ایسا اسپتالوں میں اچھی طبی سہولیات کی وجہ سے ہو رہا ہے۔

میڈیارپورٹس کے مطابق امریکا میں کورونا وائرس سے اب تک 2 لاکھ 28 ہزار381 افراد موت کے منہ میں پہنچ چکے ہیں جبکہ اس سے بیمار ہونے والوں کی تعداد 86 لاکھ 61 ہزار سے زیادہ ہے۔واضح رہے کہ دنیا بھر میں کورونا وائرس سے متاثرہ افراد کی تعداد 4 کروڑ 20 لاکھ 3 ہزار 60 تک جا پہنچی ہے جبکہ اس موذی وائرس سے ہلاکتیں 11 لاکھ 42 ہزار 874 ہو گئیں۔

متعلقہ عنوان :

مری شہر میں شائع ہونے والی مزید خبریں:

Your Thoughts and Comments