امریکی وزیرخارجہ و کی قطر میں طالبان اور افغان حکومتی وفود سے ملاقاتیں

قطر کے امیر شیخ تمیم بن حمدالثانی اور قطری ہم منصب سے بھی ملاقات، علاقائی اور عالمی امور پر تبادلہ خیال کیاگیا

اتوار 22 نومبر 2020 10:55

دوحا(اُردو پوائنٹ اخبارتازہ ترین - این این آئی۔ 22 نومبر2020ء) امریکی وزیر خارجہ مائیک پومپیو نے دوحا میں طالبان اور افغان حکومتی وفود سے ملاقاتوں میں امن عمل اور افغانستان میں تشدد میں کمی پر تبادلہ خیال کیاہے۔ اس سے پہلے قطر کے امیر شیخ تمیم بن حمدالثانی اور قطری ہم منصب سے ملاقات میں علاقائی اور عالمی امور پر تبادلہ خیال کیاگیا۔

(جاری ہے)

غیرملکی خبررساں ادارے کے مطابق قطر میں موجود مائیک پومپیو نے دونوں وفود سے علیحدہ علیحدہ ملاقات کی، طالبان وفد نے ملا عبدالغنی برادر کی سربراہی میں مائیک پومپیو سے ملاقات کی۔

دونوں وفود سے ملاقات میں مائیک پومپیو نے دوحا میں جاری بین الافغان مذاکرات، افغان امن عمل اور افغانستان میں تشدد میں کمی پر بات چیت کی۔امریکی وزیر خارجہ نے اس سے پہلے قطر کے امیر شیخ تمیم بن حمدالثانی اور قطری ہم منصب سے ملاقات میں علاقائی اور عالمی امور پر تبادلہ خیال کیا۔

مری میں شائع ہونے والی مزید خبریں