امریکی کانگریس میں بھارت میں انسانی حقوق ، مذہبی آزادی کی خلاف ورزی کی مذمت کیلئے قرار داد جمع

جمعرات 23 جون 2022 13:30

نئی دہلی(اُردو پوائنٹ اخبارتازہ ترین - این این آئی۔ 23 جون2022ء) امریکی کانگریس میں بھارت میں انسانی حقوق اور مذہبی آزادی کی خلاف ورزیوں کی مذمت کیلئے ایک قرارداد جمع کرائی گئی ہے۔ کشمیر میڈیاسروس کے مطابق ڈیموکریٹک پارٹی سے وابستہ کانگریس کی رکن Ilhan Omar، جنہوں نے گزشتہ ماہ آزاد جموں و کشمیرمیں کنٹرول لائن (ایل او سی) کا دورہ کیا تھا، کی طرف سے پیش کردہ قرارداد میں کہا گیا ہے کہ بھارت مسلمانوں، عیسائیوں، سکھوں، دلتوں، آدیواسیوں اور دیگر مذہبی اور ثقافتی اقلیتوں کو نشانہ بنایا جا رہا ہے۔

(جاری ہے)

امریکی کانگریس میںاسلامو فوبیان پر ایک ہفتہ بعد سماعت ہوگی جس میں بی جے پی رہنما?ں کی طرف سے پیغمبر اسلام? کی شان اقدس میں گستاخانہ بیانات کا معاملہ بھی زیر بحث آنے کا امکان ہے۔ امریکی محکمہ خارجہ کے ترجمان نیڈ پرائس نے گزشتہ ہفتے کہا تھا کہ واشنگٹن نے اس تبصرے کی مذمت کی ہے ۔2 جون کو امریکی وزیر خارجہ Antony Blinken اور ان کے سفیر برائے بین الاقوامی مذہبی آزادی Rashad Hussein نے بھارت میں مذہبی آزادی کی حالت پر تبصرہ کیا تھا۔ اپریل کے آخر میں یو ایس سی آئی آر ایف کی ایک رپورٹ میں بھارت کو انسانی حقوق کے خدشات پر بلیک لسٹ کرنے کی سفارش کی گئی تھی۔