وزیراعظم آزادکشمیر کی آبائی یونین کونسل سلمیہ چکار میں پرائمری معلمہ کی مشتہر کی گئی 4آسامیوں پر 6ماہ گزرنے کے باوجود تاحال تقرریاں عمل میں نہ لائی جاسکیں

منگل 26 مارچ 2019 14:26

مظفرآباد(اُردو پوائنٹ اخبارتازہ ترین - این این آئی۔ 26 مارچ2019ء) وزیراعظم آزادکشمیر کی آبائی یونین کونسل سلمیہ چکار میں پرائمری معلمہ کی مشتہر کی گئی 4آسامیوں پر 6ماہ گزرنے کے باوجود تاحال تقرریاں عمل میں نہ لائی جاسکیں ،غیر قانونی طورپر ایڈھاک آرڈر کردئیے گئے ، میرٹ پر آنے کے باوجود تاحال تقرریاںنہ ہوسکی ہیں ،میرٹ پر آنے والے امیدواروں میں تشویش کی لہردوڑ گئی ہے ، محکمہ تعلیم کے حکام لیت ولعل سے کا م لے رہے ہیں ،متعلقہ ڈسٹر کٹ ایجوکیشن آفس کے ذمہ داران میرٹ کے مطابق تقرریوں کے بجائے ایڈھاک آرڈر کرنا شروع کردئیے ہیں ،گرلز پرائمری سکول ہڈیالہ میں 2سال سے آسامی خالی ہے جس پر ڈسٹرکٹ ایجوکیشن آفیسر اور اسسٹنٹ ایجوکیشن آفیسر نے ملی بھگت سے اپنی قریبی عزیزہ کا ایڈھاک آرڈر کرکے میرٹ کا قتل عام کیا ہے ، جبکہ این ٹی ایس پاس کرنے والے امیدواروں کا آرڈر نہ ہونا حکومت گڈ گورننس پر سوالیہ نشان ہے ، این ٹی ایس میں کامیاب اورمیرٹ پر آنے والے امیدواروں نے وزیرتعلیم سکولز اورسیکرٹری تعلیم سکولز سے مطالبہ کیا ہے کہ کہ غیر قانونی تقرریاں روکی جائیں ،اورافسران کے خلاف کاروائی عمل میں لائی جائے۔