حکومت کے بروقت اقدامات سے آزادکشمیر میں کرونا وائرس ابھی تک قابومیں ہے ، محمد فاروق حیدر
ہمارے وسائل دیگر صوبو ں سے کم ہیں ، اس کے باوجو دہم نے انسداد کرونا مہم کے لیے بھرپور اقدامات کیے، حکومت کیساتھ شہریوں کی بھی ذمہ داری ہے وہ انسداد کرونا مہم کو کامیاب بنانے کے لیے اپنا کردار ادا کریں ، وزیراعظم آزاد کشمیر
جمعہ 3 اپریل 2020 16:54
(جاری ہے)
حکومت نے فیصلہ کیا ہے کہ کرونا وائرس کے مکمل خاتمہ کے بعد اس ہسپتال کو کارڈیک ہسپتال بنایا جائے گا جس میں اینجیوپلاسٹی اور اینجیو گرافی کی سہولیات میسر ہو ں گی۔
دیہی علاقوںمیں کرونا وائرس کے مریضوں کی نشاندہی کرنے اور باہر سے آنے والوں کا ڈیٹا اکٹھا کرنے کے لیے کمیٹیاں تشکیل دے دی گئی ہیں ۔ بیرون ملک سے آنے والوں کو قرنطینہ سینٹر میں رکھنے کے بعد انہیں گھروں کو بھیجا جائے گا۔ ان خیالات کا اظہا ر انہوں نے جمعہ کے روز یہاں دارالحکومت مظفرآباد میں کرونا آئیسولیشن ہسپتال کے افتتاح کے بعد میڈیا سے گفتگو کرتے ہوئے کیا ۔ اس موقع پر وزیر صحت ڈاکٹر نجیب نقی ، وزیر آئی ٹی و ٹیوٹا ڈاکٹر مصطفی بشیر ، وزیر صنعت و ترقی نسواں محترمہ نورین عارف ، وزیر تعلیم بیر سٹر افتخار گیلانی ، چیف سیکرٹری آزادکشمیر مطہر نیاز رانا ، انسپکٹر جنرل پولیس صلاح الدین خان ، ایڈیشنل چیف سیکرٹری ترقیات ڈاکٹر سید آصف حسین ، ایڈیشنل چیف سیکرٹری جنرل فرحت علی میر ، سیکرٹری صحت عامہ میجر جنرل طاہر سردار ، سیکرٹری اطلاعات ، سیاحت و آئی محترمہ مدحت شہزاد ، سپیشل سیکرٹری صحت عامہ سہیل اعظم ، ڈائریکٹر جنرل انفارمیشن راجہ اظہر اقبال ، ڈائریکٹر جنرل صحت عامہ سردار آفتاب خان ، ڈائریکٹر جنرل آئی ٹی ڈاکٹر خالد رفیق ، کمشنر مظفرآبادمحترمہ تہذیب النساء ، ڈپٹی انسپکٹر جنرل پولیس راجہ شہریار سکندر اور دیگر متعلقہ حکام بھی وزیراعظم کے ہمراہ موجود تھے ۔ اس موقع پر محکمہ صحت کے حکام نے وزیراعظم کو آئیسولیشن ہسپتال کے حوالہ سے بریفنگ دیتے ہوئے بتایا کہ یہ ہسپتال آفیسر کلب کی نو تعمیر شدہ عمار ت میںقائم کیا گیا ہے ۔ دو فلور پر مشتمل اس عمارت میں 6 بیڈ کا آئی سی یو اور 6 بیڈ کا ایچ ڈی وی قائم کیا گیا ہے جبکہ دس دس بیڈ کے دو آئیسولیشن وارڈ زبھی قائم کیے گیے ہیں ۔ ہسپتال میں کام کرنے والے آفیسرز کیلئے 7الگ آئیسولیش رومز قائم کیے گئے ہیںجبکہ ہسپتال میں مزید بیڈز کے اضافے کی گنجائش بھی موجود ہے۔ ہسپتال میں کام کرنے والے ڈاکٹرز اور نرسنگ سٹاف کو مکمل حفاظتی کٹس فراہم کر دی گئی ہیں۔ میڈیا سے گفتگو کرتے ہوئے وزیراعظم آزادکشمیر نے کہا کہ کرونا کے خدشہ کے پیش نظر حکومت آزادکشمیر نے بروقت اور فوری اقدامات اٹھائے ۔ ہم نے 18مارچ سے قبل ہی سیاحوں اور بکروالوں کا داخلہ آزادکشمیر میں بند کر دیا تھا جبکہ ہم نے لاک ڈائون پر بھی بہترین طریقے سے عملدر آمد کروایا۔ انہوں نے کہاکہ دیہی علاقوں LHVs ، محکمہ لوکل گورنمنٹ ، انتظامیہ و پولیس کے اشتراک سے کمیٹیاں تشکیل دی جارہی ہیں جو باہر سے آنے والوں اور کرونا کے مشتبہ مریضوں کی نشاندہی کر کے رپورٹ کریں گی۔ انہوں نے کہا کہ مذہبی اجتماعات کو کم کرنے کے لیے علماء کا فتویٰ موجود ہے کسی فرقہ با الخصوص تبلیغی جماعت کو ٹارگٹ نہ کیا جائے۔البتہ تبلیغی جماعت کے علماء سے گزارش ہے کہ وہ اس حوالہ سے ہدایات جاری کریں۔ایک سوال کے جواب میں وزیر اعظم نے کہا کہ بھارت نے اسوقت مقبوضہ کشمیر اور خود ہندوستان کے اندر بسے والی اقلیتوں پر ظلم وستم میں اضافہ کر دیا ہے۔اسوقت پوری دنیا کرونا وائرس سے متاثرہے جبکہ ہندوستان مقبوضہ کشمیر کی ڈیموگرافی تبدیل کرنے کے لیے اقدامات جاری رکھے ہوئے ہے۔انہوں نے کہا کہ ہندوستان کے ان جارحانہ اقدامات کیوجہ سے اب وہ وقت دور نہیں جب ہندوستان ٹکڑے ٹکڑ ے ہوگا اور ہم اسکی تباہی کے مناظر دیکھیں گے۔وزیر اعظم پاکستان،اپوزیشن لیڈر اور دیگر سیاسی جماعتوں کے قائدین سے گزارش کی ہے کہ اس نازک موقع پر مسئلہ کشمیر پر خصوصی توجہ دی جائے تاکہ یہ مسئلہ کرونا کیوجہ سے کہیں گم نہ ہوجائے۔ایک سوال کے جواب میں انہوں نے کہا کہ گراں فروشوں سے کوئی رعایت نہیں برتی جائے گی اور ان کی نشاندہی کریں گراں فروشوں اور ذخیرہ اندوزوں کو نشان عبرت بنائیںگے۔ایک اور سوال کے جواب میں وزیر اعظم نے کہا کہ کرونا وائر س کے حوالہ سے متعلقہ محکمہ جات نے بہترین کام کیا ہے جن میں پولیس،انتظامیہ، صحت عامہ،محکمہ اطلاعات اور تعمیرات عامہ شامل ہیںجبکہ میڈیا نے بھی اس قومی مہم میں مثبت کردار ادا کیا ہے۔انہوں نے کہا کہا کہ مخیر حضرات اس موقع پر آگے آئیں اور اسلامی فلاحی معاشرے کی بنیاد ڈالیں ۔کسی کی مدد کرتے وقت فوٹو سیشن سے اجتناب کیا جائے تاکہ مستحقین کی عزت نفس مجروع نہ ہو۔مظفر آباد میں شائع ہونے والی مزید خبریں
حکومت آزادکشمیر نے گزشتہ روز ہونے والے حادثہ کی تحقیقات کیلئے انکوائری کمیٹی تشکیل دیدی
مظفر آباد ، ساتویں پروفیشنل پلاننگ ایند مینجمنٹ کورس کے گریجویٹس کی پاسنگ آئوٹ
مظفر آباد ،اپوزیشن لیڈر کی مشیر حکومت نثارہ عباسی کے خلاف حقائق کے خلاف من گھڑت اور بے بنیاد الزام تراشی ..
جامعہ کشمیر،ادارہ علوم ارضی کے اسکالر محمد ظہیر پی ایچ ڈی ڈیفنس میں کامیاب
محکمہ کسٹوڈین جائیداد متروکہ آزادحکومت ریاست جموں وکشمیر کی جانب مقدمات کی سماعت کی تاریخیں مقرر
کچھ سازشی عناصر آصف علی زرداری پر تنقید کر کے اپنا قد کاٹھ بڑھانے کی ناکام ترین کوشش کر رہے ہیں،سردار ..
آل جموں و کشمیر مسلم کانفرنس کے مرکزی آرگنائزر کا کامیاب آپریشن،عیادت کرنے والوں کا تانتا بندھ گیا
مظفرآباد، مرغ فروشوں اور پرائس کنٹرول کمیٹی کی مبینہ ملی بھگت
عرصہ دراز سے پوکیس میں بھرتی کے لیے منتظر امیدوران کی وزیر اعظم آزاد کشمیر و انسپکٹر جنرل پولیس آزاد ..
مظفرآباد، قبضہ و تجاوزات مافیا نے محکمہ پبلک ہیلتھ کو لاکھوں روپے کی پھکی لگا دی
مظفر آباد ، گاڑیوں ،ڈرائیونگ لائسنس ہولڈرزکی فٹنس کا عمل صاف شفاف بنانے کیلئے کمپورٹرائزڈکرنیکی تجویز
حکومت تباہ کن بارشوں سے جانی و مالی نقصانات کا درست تخمینہ لگا کر متاثرین کی فوری امداد کرے
مظفر آباد سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو