آزاد کشمیر میں کورونا کا پہلا ہسپتال قائم

آزاد کشمیر کی 3700 لیڈیز ہیلتھ ورکرز مستقل، کورونا ڈیوٹی سرانجام دیں گی، راجہ فاروق حیدر خان

جمعہ 3 اپریل 2020 21:45

مظفر آباد (اُردو پوائنٹ اخبارتازہ ترین - این این آئی۔ 03 اپریل2020ء) آزاد کشمیر کے دارالحکومت مظفر آباد میں کورونا وائرس سے متاثرہ مریضوں کے لیے پہلا ہسپتال قائم کردیا گیا ۔جمعہ کو وزیراعظم آزاد کشمیر راجا فاروق حیدر نے مظفر آباد کے پہلے آئسولیشن ہسپتال کا افتتاح کیا۔وزیراعظم آزاد کشمیر راجا فاروق حیدر کو ہسپتال میں کورونا متاثرہ مریضوں کے لیے سہولتوں پر بریفنگ بھی دی گئی۔

(جاری ہے)

ذرائع کے مطابق جدید مشنری سے لیس آئیسولیشن ہسپتال آفیسرز کلب کی نو تعمیر شدہ عمارت میں بنایا گیا ہے جبکہ ہسپتال میں 50 بیڈ، 12 آئی سی یو رومز، 10وینٹیلیٹرز اور 30 ڈاکٹروں کی ٹیم موجود رہے گی۔اِس موقع پر راجا فاروق حیدر کا کہنا تھا کہ جدید ہسپتال میں 50 مریضوں کی گنجائش ہے جو 100 تک بڑھائی جاسکتی ہے۔راجا وفاق حیدر نے کہا کہ ہسپتال کی صلاحیت جلد 100 بستروں تک لے کر جائیں گے، اٴْنہوں نے کہا کہ کورونا کی وبا ختم ہونے کے بعد یہاں دل کا جدید ہسپتال بنائیں گے۔وزیر اعظم آزاد کشمیر نے کہا کہ آزاد کشمیر کی 3700 لیڈیز ہیلتھ ورکرز مستقل، کورونا ڈیوٹی سرانجام دیں گی۔