چیف سیکرٹری آفس میں آزادکشمیر میں کورنا وائرس کی موجودہ صورت حال کے حوالے سے اعلی سطحی اجلاس منعقد

ہفتہ 4 اپریل 2020 23:52

مظفر آباد ۔ (اُردو پوائنٹ اخبارتازہ ترین - اے پی پی۔ 04 اپریل2020ء) چیف سیکرٹری آفس میں آزادکشمیر میں کورنا وائرس کی موجودہ صورت حال کے حوالے سے ایک اعلی سطحی اجلاس منعقد ہواجس میں وزیر آئی ٹی ، ٹیوٹا و بہبود آبادی ڈاکٹر مصطفی بشیر عباسی، چیف سیکرٹری آزادجموں وکشمیر مطہر نیاز رانا، سیکرٹری صحت عامہ میجرجنرل طاہر سردار، سپیشل سیکرٹری صحت عامہ سردار سہیل اعظم، ڈائریکٹر جنرل صحت عامہ / انفارمیشن ٹیکنالوجی اور ایڈیشنل سیکرٹری داخلہ مسعوالرحمن، پروگرام منیجر ای پی آئی اے جے کے ، فوکل پرسن Covid-19کنٹرول روم ڈاکٹر بشریٰ شمس نے شرکت کی۔

(جاری ہے)

اجلاس میں بیرون ملک سے آئے ہوئے شہریوں کی آزادکشمیر کے مختلف علاقہ جات میں کرونا وائرس کے بچائو کے حوالے مختلف احتیاطی تدابیر اور جملہ سہولیات کا تفصیلی جائزہ لیا گیا ۔ نیز اس امرپر اطمینان کا اظہار کیا گیا کہ آزادکشمیر میں کورنا وائرس سے متاثر پہلا مریض لیاقت حسین اللہ تعالی کے فضل و کرم سے صحت یاب ہو کر ڈسچارج ہو گیا۔ اجلاس میں وزیراعظم آزادکشمیر راجہ محمد فاروق حیدر خان کی جانب سے تھیلیسیمیا کے مریضوں کے حوالے سے عوام الناس سے خون کی عطیات دینے کی اپیل کی گئی۔اس سلسلہ میں محکمہ صحت عامہ نے تینوں ڈویژن ہاء سے فوکل پرسن مقرر کر دیے ہیں۔